ပြည်ဈေးကွက်၌ ဗမာခရမ်းချဉ်သီးများ ယခုဇန်နဝါရီလဆန်းပိုင်းမှစ၍ ဈေးနှုန်းများ ကျဆင်းလျက်ရှိပြီး ယခင်နိုဝင်ဘာလဆန်းတွင် ဗမာခရမ်းချဉ်သီး တစ်ပိဿာလျှင် ကျပ်(၉၀၀၀)နှုန်း ရှိခဲ့ရာမှ တဖြည်းဖြည်းကျဆင်းလာကြောင်းသိရသည်။ ဝင်ရောက်မှုအားဖြင့် ပြည်မြို့ဒေသအနီး တစ်ဝိုက်နှင့် ပြည်မြို့အနောက်ဘက်ကမ်းရှိရွာများ၊ ရွှေတောင်မြို့၊ အင်းမ၊ သဲကုန်းမြို့တို့မှ နေ့စဉ်အဝင်ရှိနေပြီး တစ်ပတ်လျှင် ပိဿာချိန် (၅၀၀၀)နှုန်းခန့် အဝင်ရှိနေသည်။ အရောင်း အဝယ်အနေဖြင့် ဝင်ရောက်မှုရဲ့အားလုံးနီးပါးခန့် အရောင်းအဝယ်ဖြစ်လျက်ရှိပြီး ဈေးနှုန်းအနေဖြင့် ဗမာခရမ်းချဉ်သီးတစ်ပိဿာကို ကျပ် (၁၈၀၀-၂၀၀၀)နှုန်းနှင့် ဗမာကိုင်းခရမ်းချဉ် (ဘီးဆံပတ်သီး) တစ်ပိဿာလျှင် ကျပ်(၃၅၀၀-၄၀၀၀)နှုန်းများဖြင့် အသီးသီးရောင်းဝယ်မှုရှိနေသည်။
DOCA(ပဲခူး)