ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် အနောက်ပိုင်းရပ်ကွက် တောင်သူ ဦးတင်ဝင်းမြင့်၏ခြံတွင် တပိုင်တနိုင် ငရုတ်ကောင်း စိုက်ပျိုးထားကြောင်းသိရသည်။ သဘာဝပတ်ဝန်းကျင်စိမ်းလန်းစိုပြည်စေရန်နှင့် ဝင်ငွေရသီးနှံများ တစ်ပိုင်တစ်နိုင် စိုက်ပျိုးလာကြစေရန်ရည်ရွယ်၍ စိုက်ပျိုးထာကြောင်း သိရသည်။
အဆိုပါငရုတ်ကောင်းပင် မျိုးကို ၂၀၂၀ခုနှစ်က ၁ပိဿာကို ငွေကျပ် ၂၀၀၀၀ဖြင့် ဝယ်ယူစိုက်ပျိုးရပြီး ယခုကာလတွင် မျိုးစေ့ ဈေးနှုန်း အနေဖြင့် ငွေကျပ် ၆၀၀၀၀ဈေးရှိကြောင်း၊ ယခုခြံတွင် ငရုတ်ကောင်း အပင် ၃၀၀ပင်ကို စိုက်ပျိုးထားပြီး အစေ့ ကို စိုက်ပါက သက်တမ်း ၅နှစ်တွင် အသီး စတင်ထွက်ရှိပြီး အကိုင်းချိုးစိုက်ပါက သက်တမ်း ၂နှစ်တွင် အသီးထွက် ရှိကြောင်း သိရသည်။ ယခုအပင်များမှာ ကိုင်းချိုးစိုက်ပျိုးထားသော အပင်များဖြစ်သည်။ ကုန်ကျစရိတ် အနေဖြင့် ၂၀၀၀၀၀ ခန့်သာရှိပြီး ၂၀၂၁ခုနှစ် ကစတင်စိုက်ပျိုးထားပြီး ၂၀၂၃ခုနှစ် ဒီဇင်ဘာလ မှ စတင်ထွက်ရှိပြီး လက်ရှိ အချိန်ထိ ငရုတ်ကောင်း ၆၀ ပိဿာခန့် ထွက်ရှိပြီး ရောင်းချနေကြောင်း သိရသည်။ ယနေ့ ငရုတ်ကောင်း ဈေးနှုန်း အနေဖြင့် ၁ပိသာ ငွေကျပ် ၆၀၀၀၀ ဈေးရောင်းချ နေရပြီး ဈေးကောင်းလျက်ရှိသည်။ ယခင်နှစ် ဈေးနှုန်းများဖြင့် ရောင်းချလာကဲ့သလို လက်ရှိ ငွေကျပ် ၃၅၀၀၀၀၀ကျပ်ခန့် အကျိုးအမြတ်ရရှိပြီး၊ ဈေးနှုန်း ပြောင်းလဲမှု အပေါ်မူတည်၍ အကျိုးအမြတ် ရရှိသည်။ ငရုတ်ကောင်းသီးနှံသည် စိုက်ပျိုးကုန်ကျစရိတ်သက်သာပြီး စိုက်ပျိုးသင့်သော ကျန်းမာရေးအထောက်အကူပြုသီးနှံ တစ်ခုဖြစ်သည်။
ဈေးကွက်အနေဖြင့် တပိုင်တနိုင်စိုက်ပျိုးထားခြင်းကြောင့် မြို့နယ်အတွင်းရောင်းချပြီး အခြားရင်းနှီးသောမိတ်ဆွေများ မှာယူမှသာ ရောင်းချပေးလျက်ရှိသည်။ ငရုတ်ကောင်း အပင်ကို စီးပွားဖြစ်တိုးချဲ့စိုက်ပျိုးရန်သင့်သော သီးနှံတစ်ခုဖြစ်ကြောင်း စိုင်ပျိုးသူမှ ပြောပြချက်အရ သိရှိရပါသည်။
DOCA(ဧရာဝတီ)