ဧရာဝတီတိုင်းဒေသကြီး၊ ဟင်္သာတခရိုင်၊ ဇလွန်မြို့နယ်တွင် တောင်သူများသည် လယ် ယာမြေများအပြင် ကိုင်းမြေများတွင်လည်း ပဲသီးနှံကို စိုက်ပျိုးကြပါသည်။ ဇလွန်မြို့နယ်အနေ ဖြင့် (၂၀၂၃-၂၀၂၄) ဘဏ္ဍာနှစ်တွင် ပဲလွမ်းနီ စိုက်ဧက (၄၄၆၇)ဧက စိုက်ပျိုးပြီး မြေနုကျွန်းများ မြစ်ရေကျချိန် ၂၀၂၄ ခုနှစ် အောက်တိုဘာလဆန်းတွင် စတင်စိုက်ပျိုး၍ ၂၀၂၅ ခုနှစ် ဇန်နဝါရီလ ပထမပတ်တွင် စတင်အသီးဆွတ်ခူးနိုင်ပြီဖြစ်ပါသည်။ စားသုံးသူရေးရာဦးစီးဌာနမှ ဦးစီးအရာရှိ ဦးဝင်းအောင်သည် (၁၉.၁.၂၀၂၅ ) နေ့တွင် ဇလွန်မြို့နယ် သဲရိုးကျေးရွာရှိ မြေနုကျွန်းတွင် ပဲလွမ်းနီ တစ်ဧက စိုက်ပျိုးထားသော တောင်သူ ဦးတင်သိန်း၏ ပဲလွမ်းနီစိုက်ခင်းသို့သွားရောက်၍ စိုက်ပျိုး ထွက်ရှိမှု ဈေးနှုန်းဈေးကွက်အခြေအနေများကို ကွင်းဆင်း လေ့လာခဲ့ပါသည်။
ကွင်းဆင်းဆွေးနွေးမှုအရ တောင်သူဦးတင်သိန်းအနေဖြင့် ကိုင်းမြေတစ်ဧကပေါ်တွင် ပဲလွမ်း နီ လေးပြည်ကို စိုက်ပျိုးထားပြီး ယခုအခါ အသီးစတင်ခူးဆွတ်လျက်ရှိပါသည်။ ပဲလွမ်းနီတစ်ဧက စိုက်ပျိုးရန်အတွက် မြေပြင်၊ မျိုး၊ သွင်းအားစု၊ ရေတင်၊ ခူးဆွတ်ခြင်း အတွက် တစ်ဧက ပျမ်းမျှ ၇ သိန်းကျပ်ခန့်ကုန်ကျပါသည်။ စိုက်ပျိုးပြီး ၂ လခန့်အကြာတွင် အသီးများစတင်သီးလာပြီး သီးတောင့် များ ခြောက်လာချိန်တွင် စတင်ခူးဆွတ်ပြီး နေရောင်ခြည် ၂ ရက်ခန့် အခြောက်လှန်းကာ ချွေလှေ့ရပါ သည်။ အသီးတောင့်အခြောက်များအား (၅)ကြိမ်ခန့် ခူးဆွတ်နိုင်ပြီး အပင်ရှင်သန်ကြီးထွားမှုကြောင့် အထွက်နှုန်းအနေဖြင့် တစ်ဧကလျှင် တင်း ၂၀ ခန့်ထွက်ရှိကြောင်းသိရှိရပါသည်။ ယခင်နှစ် ပဲလွမ်းနီ တစ်တင်းလျှင် ၇၆၀၀၀/- ကျပ်သာ ရှိခဲ့ပြီး၊ ယခုနှစ် ပဲလွမ်းနီ တစ်တင်းလျှင် ၉၄၀၀၀/- ကျပ် ဈေးနှုန်းပေါက်လျက်ရှိကာ အထွက်နှုန်း ပိုမိုဖြစ်ထွန်းသည့်အတွက် တောင်သူများအနေဖြင့် အကျိုးအမြတ် ပိုမိုရရှိကြောင်း တောင်သူဦးတင်သိန်းထံမှ သိရှိရပါသည်။
DOCA(ဧရာဝတီ)