ဧရာဝတီတိုင်းဒေသကြီး၊ မအူပင်ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန (ဆေးဝါးဌာနခွဲ) နှင့် ညောင်တုန်းမြို့နယ် စားသုံးသူရေးရာဦးစီးဌာန၊ စည်ပင်သာယာရေးအဖွဲ့ တို့သည် (၂၃.၁.၂၀၂၅) ရက်နေ့ တွင် (၇)ရပ်ကွက် မျိုးအောင်၊ နှင့် (၃)ရပ်ကွက် မြို့မဈေး လမင်းရောင်ဆေးဆိုင်၊ (၄)ရပ်ကွက် ၈လမ်းဈေးမှ စိန်ဒိုးလေးဆေးဆိုင်၊ (၃)ဆိုင်နှင့် ဟင်းခတ်မှုန့် အရောင်းဆိုင်(၄)ဆိုင်မှ ရောင်းချနေသောကုန်စည်များ သုံးစွဲသူပြည်သူများ ဘေးအန္တရာယ်ကင်းရှင်းစွာ အသုံးပြုနိုင်ရန်အတွက် ဈေးကွက်စောင့်ကြည့် စစ်ဆေးခဲ့ကြောင်းသိရသည်။
ကွင်းဆင်းစစ်ဆေးရာ စားသုံးသူရေးရာဦးစီးဌာနမှ ဦးအောင်လွင် မြို့နယ်ဦးစီးမှူးနှင့် အစားအသောက်နှင့် ဆေးဝါးကွပ်ကဲရေးဦးစီးဌာန မှ တာဝန်ရှိသူတို့ ဆေးဆိုင်(၃)ဆိုင်နှင့် ဟင်းခတ်မှုန့် အမျိုးမျိုးရောင်းဆိုင်(၄)ဆိုင်မှ ရောင်းချနေသော ဆေးဆိုင်များတွင် ဆေးဝါးမှတ်ပုံတင် ထားခြင်းမရှိ သည့် ဆေးဝါးများ ရောင်းချခြင်းမရှိစေရေး စစ်ဆေးခြင်း၊ ဆေးဝါး မှတ်ပုံတင်ထားခြင်းမရှိသည့် ဆေးဝါးများ ရောင်းချခြင်းမရှိစေရေး၊ အိမ်သုံးဆေးဝါး တိုင်းရင်းဆေးများတွင် ထုတ်လုပ် ရက်စွဲ၊ ကုန်ဆုံးရက်စွဲ၊ မှတ်ပုံတင်အမှတ်၊ ကုန်အညွှန်းအမှတ်အသား ပြည့်စုံစွာဖော်ပြမှုရှိ/မရှိ ကွင်းဆင်းစစ်ဆေးခြင်းများ၊ ဟင်းချက်ရာတွင် အရောင်၊ အနံ့။ အရသာများတွင် ထည့်သွင်းအသုံးပြုသော ဟင်းခတ်အမွှေး အကြိုင်များတွင် ကုန်အညွှန်းအမှတ်အသား မြန်မာစာဖြင့်ဖော်ပြပါဝင်ခြင်းရှိ/ မရှိကို စစ်ဆေးခဲ့ကြပြီး လုပ်ငန်းရှင်များကို သက်ဆိုင်ရာဌာနဆို့၏ သတ်မှတ်ချက်၊ အမိန့်ညွှန်ကြားချက်များအတိုင်း လိုက်နာ၍ သတ်တမ်းလွန်ကုန်စည် ရောင်းချနေခြင်း၊ ကုန်ဈေးနှုန်း ကစားခြင်း များပြုလုပ်ပါက အရေးကြီးကုန်စည်ဝန်ဆောင်မှု ဥပဒေအရသော်လည်းကောင်း၊ သက်ဆိုင်ရာဌာနများ၏ ဥပဒေအရသော်လည်းကောင်း အရေးယူဆောင်ရွက် သွားမည်ဖြစ်ကြောင်း အသိပညာပေး ပြောကြားစစ်ဆေးခဲ့ကြောင်း သိရှိရပါသည်။
DOCA (ဧရာဝတီ)