ဆလပ်ရွက်ကို ဒေသမရွေးစိုက်ပျိုးနိုင်ပြီး မိုးအကုန် သတင်းကျွတ်တန်ဆောင်မုန်းလ များတွင် စိုက်ပျိုးကြပြီး ဆောင်းရာသီတွင်ထွက်ပေါ်သောကြောင့် ဆောင်းရာသီစာသီးနှံပင် တစ်မျိုးဖြစ်သည်။ မန္တလေးတိုင်းဒေသကြီး ကျောက်ဆည်ခရိုင်၊ ကျောက်ဆည်မြို့နယ်၊ ရန်ပုံနှစ်ရွာ၊ ကျီးပြရွာ၊ ကြက်ဆင်ရွာ၊ သပြေသာရွာ၊ ပင်တလည်ရွာစသည်ဖြင့် ပန်းလောင် မြစ်ရိုး တစ်လျောက်တွင်ရှိသော သဲနုကျွန်းမြေပေါ်တွင် အများဆုံး စိုက်ပျိုးကြကြောင်း သိရှိရသည်။ဆလပ်ရွက်သည်အရွက်တွန့်တွန့်လေးများဖြင့် အစိမ်းနုရောင်ရှိသော အပင်မျိုး ဖြစ်သည်။ ဆလပ်ရွက်ကိုတိုက်ရိုက်အစေ့ချ၍သော်လည်းကောင်း၊ ပျိုးထောင်ပြီးအပင်ရွှေ့၍ သော်လည်းကောင်းစိုက်ပျိုးကြပါသည်။ ဆလပ်ရွက်ကို စားသုံးပေးခြင်းဖြင့် ကိုယ်အလေးချိန် ကျစေခြင်း၊ အရိုးများကြံ့ခိုင်ပြီး ကိုယ်ခံအားကိုမြှင့်တင်ပေးခြင်း၊ဆီးချိုရောဂါကို ထိန်းညှိပေး ခြင်း၊ နှလုံးသွေးကြောကျဉ်းရောဂါကိုကာကွယ်ပေးခြင်း၊ ခြေဖျားလက်ဖျားထုံကျဉ်ခြင်းမှ သက်သာစေခြင်း၊ အသားအရည်လှပစေခြင်း စသည်ဖြင့် အကျိုးကျေးဇူးများစွာ ရရှိနိုင် ပါသည်။ ဈေးကွက်အတွင်း၌ ဆလပ်ရွက်များ ဖြိုင်ဖြိုင်ဝင်ရောက်လျက် ရှိပါသည်။ ကုန်စိမ်းဒိုင်များမှလည်း စိုက်ခင်းအထိဆင်း၍ ဝယ်ယူလျက်ရှိပါသည်။ဆလပ်ရွက်ကို အတို့အမြှုပ်လုပ်၍သော်လည်းကောင်း၊ အသုပ်သုပ်၍ သော်လည်းကောင်း စားသုံးကြ သည်။ဈေးကွက်အတွင်း၌ ဆလပ်ပင်တစ်ပင်လျှင် အကြီးအသေးပေါ်မူတည်၍ (၃၀၀၊၄၀၀၊ ၅၀၀)ကျပ်ဖြင့် ရောင်းဝယ်လျက်ရှိကြောင်း သိရှိရသည်။
DOCA(မန္တလေး)