မအူပင်ခရိုင်၊ မအူပင်မြို့နယ် အခွန်လွတ်ဈေးအတွင်း တို့စရာ သရက်ကင်းသီးစိမ်းများ ရောင်းချလျက်ရှိ၍ သရက်သီးစိုက်ပျိုးသူထံ ထွက်ရှိမှုနှင့် ရောင်းချနေမှုများကို ကွင်းဆင်းမေးမြန်းခဲ့ကြောင်းသိရသည်။
မအူပင်မြို့နယ် အရှေ့ဘက်ကမ်း ကျေးရွာတွင် သရက်စိုက်ပျိုးသူများ ရှိကြောင်း သိရသည်။ မအူပင်အနေဖြင့် သရက်စိုက်ပျိုးမှု ဧက ၁၂၇၉၀ဧက ရှိကြောင်း သိရသည်။ တို့စရာ သရက်သီးစိမ်း ထွက်ရှိနေ၍ အရှေ့လက်ကမ်းကျေးရွာမှ သရက် ၁ဧက စိုက်ပျိုးထားကြောင်းသိရသည်၊၊ စိုက်ပျိုးသရက်များမှ မန္တလေးရင်ကွဲသရက်၊ သရက်သီး ပါးနီ၊ အစိမ်းစားသီးသရက်၊ ဆိုင်သီး သရက်၊ မချစ်စု သရက်များ စိုက်ပျိုးထား ကြောင်းတွေ့ ရှိရသည်။ သရက်အပင်ပေါင်း ၁၅၀၀ နီးပါးစိုက်ပျိုးထားကြောင်း သိရသည်။
သရက်သီးကင်းများ အမျိုးအစားပေါ်မူတည်ပြီး သရက်ကင်း ၁လုံး ၃၀၀ကျပ်မှ ၅၀၀ကျပ် အထိ ဈေးကောင်းလျှက်ရှိပြီး လက်လီဈေး ရောင်းချနေကြသည်။ သရက်ကင်း များ ဇန်နဝါရီ လဆန်းပိုင်းက စတင်ထွက်ရှိပြီး လဆန်းပိုင်ဈေးမှာ သရက်ကင်း ၁လုံး ၅၀၀ကျပ်ထိ လက်လီဈေး ပေါက်ခဲ့သည်။ ဘားအံဘက်မှ သရက်သီး အလုံးကြီး ၁လုံးကို ၁၀၀၀-၁၅၀၀ကျပ် ရောင်းချကြ သည်။ ၂၅.၁.၂၀၂၅ ရက်နေ့နောက်ပိုင်းမှ ဈေးကျဆင်းလာသည်။ တစ်နေ့ကို သရက်ခြံမှ သရက်သီး ၅ပြည် ခန့် ထွက်ရှိပြီး မအူပင်ဈေးနှင့် ရန်ကုန်မြို့သို့လည်း တင်ပို့ရောင်းချကြောင်း သိရသည်။ ရန်ကုန်သို့ သရက်ကင်း ၁ပိဿာ ၇၀၀၀ ကျပ်ဖြင့် တင်ပို့ရောင်းချရသည်။ ရန်ကုန်သို့ သရက်ကင်း ပိဿာချိန် ၃၀နီးပါးခန့် ၁၀ရက်တစ်ကြိမ် ၁လအတွင်း တင်ပို့ထားကြောင်း သိရသည်။ ၃လပိုင်းနှင့် ၄လပိုင်းတွင် သရက်သီးအမှည့် ရောင်းရန်ထားရှိသလို သရက်ပျဉ်ထုတ်လုပ်သူများမှ လာရောက်ဝယ်ယူခြင်း ရှိသည့်အတွက် အလုံးကြီးသီးသန့် ရောင်းချရန်ထားရှိပြီး အပင်ပြတ်ရောင်းချပေးကြောင်း သိရှိရပါသည်။
DOCA(ဧရာဝတီ)