ဧရာဝတီတိုင်းဒေသကြီးအစိုးရအဖွဲ့ နှင့် ပညာရေးဝန်ကြီးဌာနတို့ ပူးပေါင်းကျင်းပသည့် ၂၀၂၅ ခုနှစ်၊ ဧရာဝတီတိုင်းဒေသကြီး၊ မြို့နယ်(၂၆) မြို့နယ်ရှိ အခြေခံပညာသင်ကြားနေသည့် နည်းပြဆရာ/ ဆရာမ (၁၈၂)ဦးတို့အား သင်ကြားပို့ချသည့် တိုင်းအဆင့်နည်းပြသင်တန်းကို အ.ထ.က(၁)ရတနာခန်းမ တွင် (၂၇.၁.၂၀၂၅ ရက်နေ့မှ ၃၁.၁.၂၀၂၅ ရက်နေ့အထိ) ကျင်းပခဲ့ပါသည်။ အဆိုပါ သင်တန်းကျင်းပသည့် (၄) ရက်မြောက်နေ့ဖြစ်သော ၃၀.၁.၂၀၂၅ ရက်နေ့၊ နေ့လယ် (၁၆:၀၀) နာရီအချိန်တွင် စားသုံးသူရေးရာဦးစီးဌာန၊ ဧရာဝတီတိုင်းဒေသကြီး ဦးစီးမှူးရုံးမှ၊ လက်ထောက်ညွှန်ကြားရေးမှူး၊ ဒေါက်တာသရဖီထွန်းက စားသုံးသူ အခွင့်အရေး နှင့် စားသုံးသူကာကွယ်ရေး ဆိုင်ရာများ၊ ထုတ်ကုန်လုံခြုံစိတ်ချရမှုအတွက် ဆောင်ရွက်နေမှုများ၊ စစ်ဆေးရေးအရာရှိများ ဆောင်ရွက်နေရသည့် ဈေးကွက်စောင့်ကြည့်စစ်ဆေးမှုကဏ္ဍများ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာမှ အမိန့်ကြော်ငြာစာဖြင့် သတ်မှတ်ထားသည့် အရေးကြီးဝန်ဆောင်မှုနှင့် အရေးကြီးကုန်စည်များအကြောင်း နှင့် အရေးကြီးဝန်ဆောင်မှု အဖြစ်သတ်မှတ်ကြေညာထားသည့် Online Sale လုပ်ငန်းများ မှတ်ပုံတင်ခြင်းနှင့် မြေပြင်ကွင်းဆင်းစစ်ဆေးမှုများအား အကျယ်တဝင့် ဆွေးနွေးမှုများဆောင်ရွက်ခဲ့ရာ သင်တန်းသား ဆရာ/ ဆရာမများက သိလိုသည်များကို ပြန်လည်မေးမြန်း ဆွေးနွေးခဲ့ကြကြောင်းသိရှိရပါသည်။
DOCA(ဧရာဝတီ)