မကွေးတိုင်းဒေသကြီး၊ မင်းဘူးခရိုင်၊ စလင်းမြို့နယ်တာဝန်ခံနှင့် ဝန်ထမ်းများသည် (၂၈.၁.၂၀၂၅)ရက်နေ့၊ နံနက်(၁၀:၀၀)နာရီအချိန်တွင် စလင်းမြို့နယ်၊ ကျောင်းကြားရပ်ကွက်ရှိ မိုးစပါးစိုက်တောင်သူတစ်ဦးနှင့်တွေ့ဆုံ၍ စိုက်ပျိုးထွက်ရှိမှုကုန်ကျစရိတ်နှင့် အကျိုးအမြတ်ရရှိမှု အခြေအနေတို့ကို ကွင်းဆင်းဆွေးနွေးခဲ့ကြောင်း သိရသည်။
ကျောင်းကြားရပ်ကွက်သည် အိမ်ခြေ(၃၃၀)ခန့်ရှိပြီး လူဦးရေ(၁၅၄၆)ဦးခန့်ရှိကြောင်း၊ နှစ်စဉ် စပါး၊ ကုလားပဲနှင့် နှမ်းသီးနှံများ စိုက်ပျိုးကြကြောင်း၊ ကျောင်းကြားရပ်ကွက်၌ မိုးစပါးစိုက်ဧက (၁၅၀)ဧကခန့် စိုက်ပျိုးခဲ့ပြီး ဧရာပဒေသာစပါးမျိုးကို အဓိကထားစိုက်ပျိုးကြကြောင်း၊ ၎င်းအနေဖြင့် မိုးစပါးဧက(၅)ဧကခန့်စိုက်ပျိုးပြီး တင်း(၄၀၀)ခန့်ထွက်ရှိ၍ (၁)ဧကလျှင် စပါးတင်း(၈၀)တင်း ပျမ်းမျှ ထွက်ရှိကြောင်း၊ ရာသီဥတုကောင်းမွန်ပြီး မိုးရွာသွန်းမှု အကြိမ်ရေများသည့်အတွက် မိုးစပါး အထွက်နှုန်းကောင်းမွန်ခဲ့ကြောင်း၊ မိုးစပါးကို နှစ်စဉ် ဩဂုတ်လတွင် ပျိုးထောင်၍ (၄၅)ရက်ကြာ လျှင်ပျိုးနှုတ်၍ စိုက်ခင်းသို့ ပြောင်းရွေ့စိုက်ပျိုးရကြောင်း၊ (၂)လခွဲခန့် အကြာတွင် စပါးနှံထွက်ရှိပြီး ဒီဇင်ဘာလတွင် စပါး ရင့်မှည့်၍ စပါးရိတ်သိမ်းရကြောင်း၊ မိုးစပါးစိုက်ပျိုးချိန်မှ ရိတ်သိမ်းချိန်ထိ သက်တမ်း (၃)လခွဲခန့် ကြာကြောင်း၊ မိုးစပါး(၁)ဧက စိုက်ပျိုးထုတ်လုပ်မှုကုန်ကျစရိတ်မှာ မြေပြင် စိုက်ပျိုးရိတ်သိမ်းခြင်းနှင့် သွင်းအားစုများအပါအဝင် ကျပ်(၁၉၅၀၀၀ဝ)ကုန်ကျပြီး (၁)ဧကလျှင် (၈၀)တင်းထွက်ရှိကာ ဝင်ငွေ ကျပ်(၂၃၂၀၀၀ဝ)ရရှိပြီး အကျိုးအမြတ်အနေဖြင့် ကျပ်(၃၇၀၀၀ဝ) ခန့်ရရှိကြောင်း သိရသည်။
ယခုနှစ် မိုးစပါးဧရာပဒေသာစိုက်ပျိုးချိန်သည် ရာသီဥတုကောင်းမွန်သဖြင့် စပါးပင်များ အသေအပျောက်နည်းပါးကာ ကောက်ကွက်ပြည့်အပင်များ ဖြစ်ထွန်းကောင်းမွန်ခြင်းတို့ကြောင့် အထွက်နှုန်းမြင့်မားခဲ့ပြီး ဈေးနှုန်းမှာလည်း သင့်တင့်မျှတမှုရှိသောကြောင့် ယခုနှစ် မိုးစပါးစိုက်တောင်သူများ အကျိုးအမြတ်ရရှိခဲ့ကြောင်း တောင်သူထံမှ သိရှိရပါသည်။
DOCA(မကွေး)