မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့နယ်အတွင်း မြစ်ရေကျချိန်တွင် ညောင်တော၊ ညောင်ဘိုပင်၊ ရှစ်အိမ်တန်း၊ ဇီးကျွန်း၊ ကူတုတ်၊ အောင်ချမ်းသာကျေးရွာများတွင် လယ်ယာစိုက်ပျိုးရေး လုပ်ငန်းအား အဓိကထားပြီး သီးနှံမျိုးစုံကို ရာသီအလိုက် စိုက်ပျိုးလုပ်ကိုင် ကြပါသည်။ ကူတုတ် ကျေးရွာအုပ်စုတွင် ကုလားပဲသီးနှံကို ဧက(၅၀)ခန့် စိုက်ပျိုးထားရှိကြောင်း၊ ကုလားပဲသီးနှံကို ၂၀၂၄ခုနှစ်၊ နိုဝင်ဘာလနှင့် ဒီဇင်ဘာလများတွင် ကျဲပက်စနစ်နှင့် အတန်းလိုက်စနစ်ကိုအသုံးပြုစိုက်ပျိုးပြီး၊ အဓိက စိုက်ပျိုးသည့် ကုလားပဲသီးနှံမျိုးများမှာ ဟော်လန် (ကုလားပဲဝါ)၊ V2 (ကုလားပဲဖြူ) နှင့် 929 (ကုလားပဲဝါကြီး) များဖြစ်ကြောင်း၊ ၎င်းအနေဖြင့် ယခင်နှစ်က ဟော်လန် (ကုလားပဲဝါ)ကို (၃)ဧကနှင့် V2 (ကုလားပဲဖြူ) (၂)ဧကခန့် စိုက်ပျိုးခဲ့ ကြောင်း၊ (၁)ဧကလျှင် စိုက်ပျိုးကုန်ကျစရိတ်အနေဖြင့် မျိုး၊ မြေပြင်ခြင်း၊ သွင်းအားစုနှင့် ရိတ်သိမ်းခြင်းများအတွက် ကျပ်(၅)သိန်းခန့် ကုန်ကျကြောင်း၊ အထွက်နှုန်း အနေဖြင့် (၁၅)တင်း ခန့်ထွက်ရှိပြီး ဈေးနှုန်းအနေဖြင့် ကျပ်(၈)သောင်းခန့် ရရှိကြောင်း၊ အကျိုးအမြတ် အနေဖြင့် ကျပ်(၇)သိန်းခန့်ရရှိကြောင်း သိရသည်။
ယခုနှစ်တွင် ၎င်းအနေဖြင့် ဟော်လန်(ကုလားပဲဝါ)ကို (၃)ဧကနှင့် V2 (ကုလားပဲဖြူ) (၃)ဧက စိုက်ပျိုးထားကြောင်း၊ (၁)ဧကလျှင် စိုက်ပျိုးစရိတ်အနေဖြင့် မျိုး၊ မြေပြင်ခြင်း၊ သွင်းအားစုနှင့် ရိတ် သိမ်းခြင်းများအတွက် ကျပ်(၈)သိန်းခန့် ကုန်ကျကြောင်း၊ လက်ရှိပေါက်ဈေးအနေဖြင့် (၁)တင်းလျှင် ဟော်လန်(ကုလားပဲဝါ) ကျပ်(၈၃၀၀၀)၊ V2 (ကုလားပဲဖြူ) ကျပ်(၈၅၀၀၀)နှင့် 929 (ကုလားပဲဝါကြီး) ကျပ်(၈၃၀၀၀)ခန့်ရှိကြောင်း၊ ယခုလက်ရှိအချိန်တွင် ကုလားပဲစိုက်ခင်းများ အောင်မြင်ဖြစ်ထွန်း လျက်ရှိပြီး ရာသီဥတုလည်းကောင်းမွန်သဖြင့် ကုလားပဲပင်များ အဖူး၊ အပွင့်ဝေဝေဆာဆာ အောင်မြင်ဖြစ်ထွန်းလျက်ရှိကြောင်း၊ ၂၀၂၅ခုနှစ်၊ မတ်လကုန်နှင့် ဧပြီလဆန်းတွင် ရိတ်သိမ်းမည် ဖြစ်ကြောင်း ကုလားပဲစိုက်တောင်သူတစ်ဦးထံမှ သိရှိရပါသည်။
DOCA(မကွေး)