“မိတ္ထီလာခရိုင်အတွင်းရှိ ကုန်စုံဆိုင်များနှင့်ဆေးဆိုင်များသို့ ကွင်းဆင်းစစ်ဆေးခြင်း”

          စားသုံးသူရေးရာဦးစီးဌာန၊ မန္တလေးတိုင်းဒေသကြီး ၊ မိတ္ထီလာခရိုင်ဦးစီးမှူးရုံး၊ မိတ္ထီလာခရိုင်ဦးစီးမှူး၏ လမ်းညွှန်ချက်ဖြင့် ခရိုင်ဦးစီးမှူးရုံးမှဝန်ထမ်းများသည် ဆပ်ပြာခဲများအား ကုန်အညွှန်းအမှတ်အသားပါ ဖော်ပြချက်များနှင့် အမှန်တကယ်ကိုက်ညီမှုရှိ/မရှိ၊ ဆေးပလာစတာများတွင် Inport Registration No (IR) များ ပါ၊မပါ ကွင်းဆင်းစစ်ဆေးခြင်းလုပ်ငန်းကို ခရိုင်အစားအသောက်နှင့်ဆေးဝါးကွပ်ကဲရေးဦးစီးဌာန ၊ အထွေထွေ အုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့စသည့် ပူးပေါင်းအဖွဲ့များနှင့်အတူ ၂၀၂၂ခုနှစ် မေလ (၁၀)ရက်နေ့ ၊ နံနက် (၉း၃၀) အချိန်တွင် မိတ္ထီလာမြို့ပေါ်ရှိ ကုန်စုံဆိုင်များနှင့် ဆေးဆိုင်များသို့ စျေးကွက်စောင့်ကြည့် စစ်ဆေးခဲ့ပါသည်။

          အဆိုပါ ကုန်စုံဆိုင်များတွင် ဆပ်ပြာခဲများ၏ အလေးချိန်မှန်ကန်မှုရှိ၊ မရှိစစ်ဆေးခြင်းနှင့် ဆေးဆိုင်များတွင် ဆေးဝါးများ၊ Mask ၊ Handgel၊ စံမမှီဆေးဝါးများနှင့် တားမြစ်ဆေးဝါး ထိန်းချုပ် ဆေးဝါးများ ရောင်းချခြင်း ရှိ/မရှိ ၊ စျေးနှုန်းများ မှန်ကန်မှုရှိစေရေးနှင့် စျေးနှုန်းများ အဆမတန်မြင့်တင်၍ စျေးကစားခြင်းများ မပြုလုပ်စေရေးရည်ရွယ်၍ သွားရောက် စစ်ဆေးခဲ့ပါသည်။ ရောင်းချနေသော ဆေး၊ဆေးပစ္စည်းများပေါ်တွင် ထုတ်လုပ်သည့်နိုင်ငံ၊ ထုတ်လုပ်သည့် ကုမ္ပဏီ၊ တင်သွင်းသည့် ကုမ္ပဏီ၊ ဆေးဝါးမှတ်ပုံတင်အမှတ်နှင့် Inport Registration No (IR) များ‌ဖော်ပြပါရှိသည့် ဆေးနှင့်ဆေးပစ္စည်းများကိုသာ စျေးကွက်အတွင်းရောင်းချခွင့်ရှိကြောင်း   ဆွေးနွေးပြောကြား ခဲ့ပါသည်။ဆက်လက်၍ စျေးကွက်အတွင်း ဆေးလက်ကျန်အခြေအနေနှင့် ဆေးပစ္စည်းလိုအပ်ချက်များ အား မေးမြန်းဆွေးနွေးခဲ့ရာ ဆေးဝါးများပြတ်လတ်မှုမရှိပါကြောင်းနှင့် ဆေးကုမ္ပဏီများမှ လိုအပ်သလောက်မှာယူနိုင်ကြောင်း သိရှိရပါသည်။

DOCA(မန္တလေး)