ပဲခူးတိုင်းဒေသကြီး၊ပြည်ချင်းပွဲရုံများသို့ မေလပထမပတ်တွင် ချင်းအိတ် ၂၀၀/၃၀၀ ခန့် အဝင်ရှိသည့်အတွက် ချင်းလှောင်လက်သမားများနှင့် ပွဲစားများ အရောင်းအဝယ်ဖြစ်လျက်ရှိနေပြီး ချင်းဈေးများမှာ (ပွဲရုံဈေး) တစ်ပိဿာလျှင် ၉၀၀/၁၀၀၀ကျပ် ဖြစ်ပြီး လက်လီဈေးများမှာ ၁၅၀၀/၁၈၀၀ကျပ် ဈေးဖြင့် ရောင်းဝယ်လျှက်ရှိပါသည်။ ယခင်လထက် ချင်းတစ်ပိဿာ ပေါက်စျေးပေါ် ၂၀၀/၃၀၀ကျပ် ဈေးကျလာသည်ကို တွေ့ရှိရပါသည်။ ဒါးလှီးချင်း(ဖတ်) တစ်ပိဿာလျှင် ၁၇၀၀ကျပ်တို့ဖြင့် ရောင်းချလျက်ရှိနေပါသည်။
ပြည်မန်ကျည်းမှည့်ပွဲရုံများမှာ ဒေသတွင်း အရောင်းအဝယ်ဖြစ်လျက်ရှိပြီး လက်လီသမားများ အဝယ်ရှိသောကြောင့် တစ်နေ့လျှင် ပိဿာ ၂၀၀ ကျော်ခန့် အရောင်းအဝယ် ဖြစ်လျှက်ရှိကြောင်း ၊ မေလ တတိယပတ်တွင် မန်ကျည်းမှည့် (ကတုံး) တစ်ပိဿာလျှင် ၁၇၀၀ ကျပ်နှင့် (အသား)ဈေး တစ်ပိဿာလျှင် ၃၂၀၀ကျပ်တို့ဖြင့် လက်ကားရောင်းချနေပြီး လက်လီဈေးများမှာ မန်ကျည်းမှည့် (အသားဈေး) တစ်ပိဿာလျှင် ၄၀၀၀ကျပ်ဈေးဖြင့် ရောင်းချလျှက်ရှိကြောင်း သိရှိရပါသည်။
DOCA(ပဲခူး)