ပဲခူးတိုင်းဒေသကြီး၊ သာယာဝတီခရိုင်၊ အုတ်ဖိုမြို့နယ်တွင် ထန်းသီးများ စတင်ပေါ်လာပြီဖြစ်ရာ ဈေးကောင်းရရှိလျက်ရှိကြောင်း ထန်းသီးတင်ပို့ရောင်းချနေသူများထံမှ သိရှိရပါသည်။ ထန်းသီးတစ်လုံး လျှင်(၈၀ကျပ်မှ၁၀၀ကျပ်အထိ) ထန်းသီးအလုံး အကြီး/အသေးမျှပြီးအခိုင်လိုက်ဈေးပေး၍ ရောင်းချရ ကြောင်း၊ တစ်နေ့လျှင် ထန်းသီးအခိုင် (၃၀၀)မှ အလုံးအရေအတွက်အားဖြင့် (၅၀၀၀) လုံးခန့် ရရှိပြီး ရန်ကုန်တိုင်းဒေသကြီးသို့ အဓိကထား တင်ပို့ရောင်းချကြောင်းသိရှိရပါသည်။ဈေးကွက်တွင် ထန်းသီးတစ်လုံးလျှင်(၁၅၀/)ကျပ်ဖြင့် ရောင်းချရကြောင်း၊ ထန်းသီးကုန်စိမ်းဒိုင်မှ သိရှိရပြီး ထန်းသီး များကို အုတ်ဖိုမြို့နယ် ကြက်ဆူတောရွာ ၊ ငါးရှည့်ရိုးရွာ ၊ ကျပ်ချောင်းရွာများမှ အများဆုံးထွက်ရှိ ကြောင်းသိရှိရပါသည်။ ထန်းပင်သည် နှစ်ပေါင်း(၁၀၀)ခန့်အသက်ရှည်ပြီး မည်သည့် ကုန်ကျစရိတ်မျှ မလိုအပ်ပဲ သဘာဝရေအရင်းအမြစ် ထိန်းသိမ်းထားပေးသော သဘာဝရေစုပ်စက်ကြီးဖြစ်ပြီး ထန်းပင်မှ ထန်းရည်၊ ထန်းလျက်၊ ထန်းမြစ်၊ ထန်းရွက်သက်ကယ် နှင့် ပရိဘောဂများ (ကုလားထိုင်၊စားပွဲ) အစရှိသဖြင့် ထုတ်လုပ်ရောင်းချလျက်ရှိကြောင်း သိရှိရပါသည်။
DOCA(ပဲခူး)