ဟင်္သာတမြို့ ဒေသထွက် နာမည်ကြီး စားသောက်ကုန်များစွာ ရှိသည့်အနက် နာမည်ကြီး လူကြိုက်များသော စားသောက်ကုန်ထဲတွင် “ဒေါ်ဟန်” ကြက်အူချောင်း/ဝက်အူချောင်း လုပ်ငန်း မှာလည်း တစ်ခုအပါအဝင်ဖြစ်ပါတယ်။ ကြက်အူချောင်း နှင့် ဝက်အူချောင်းများ မှာ အလွယ် တစ်ကူ ချက်ပြုတ်စားသောက်နိုင်သည့်အပြင် အရသာလည်းရှိသလို အဟာရလည်း ရှိလှသည့် အတွက် လူကြီးလူငယ်မရွေး ကြိုက်နှစ်သက်ကြသော အစားအစာလည်း ဖြစ်ပါတယ်။ ဧရာဝတီ တိုင်းအတွင်း နာမည်ကြီးသည့် ဒါးကမြို့မှထွက်သည့် “ဒေါ်စာမ” ကြက်အူချောင်း/ ဝက်အူ ချောင်း ပြီးပါက ဟင်္သာတမြို့မှ ထွက်သည့် “ဒေါ်ဟန်” ကြက်အူချောင်း/ဝက်အူချောင်း နှင့် ပုသိမ်မြို့မှထွက်သည့် “ဒေါ်ကျင်မြ” ကြက်အူချောင်း/ဝက်အူချောင်း တို့မှာလည်း နာမည် ကြီး လူကြိုက်များလှသည့် စာရင်းထဲတွင်ပါရှိပါတယ်။
“ဒေါ်ဟန်” ကြက်အူချောင်း/ဝက်အူချောင်းလုပ်ငန်းကို ဟင်္သာတမြို့ရှိ လယ်သမား ရပ်ကွက်၊ ဗိုလ်ချုပ်လမ်း၊ အိမ်အမှတ်(၂၂)တွင် ဒေါ်ခင်ဆွေလင်း ဆိုသူမှ စတင်၍ လုပ်သား အင်အား(၉)ဦးခန့်ဖြင့် လုပ်ကိုင်ဆောင်ရွက်နေသော အသေးစားစက်မှုလုပ်ငန်းလေး တစ်ခုဖြစ် ပါသည်။ အသေးစားစက်မှုလုပ်ငန်း လိုင်စင်အမှတ် အစ-၁၄(၀၀၇၉၀) ရရှိထားသူ ဖြစ်တယ် လို့လဲ သိရှိရပါတယ်။ “ဒေါ်ဟန်” အမှတ်တံဆိပ်ဖြင့် ထုတ်လုပ်သည့် ကြက်အူချောင်း နှင့် ဝက်အူချောင်း များကို တာရှည်ခံယမ်းစိမ်းများ အသုံးပြုထားခြင်း မရှိသကဲ့သို့ ဓါတုဆိုးဆေးလုံးဝမပါဝင်သော ဆိတ်အူစစ်စစ်ဖြင့် အစာသွပ်ခြင်းများ ဆောင်ရွက်သည့်အတွက် လူကြိုက်များလှပါတယ်။ အထူး သဖြင့် ရန်ကုန်မြို့မှအမှာများလှသည့်အတွက် ရန်ကုန်မြို့တွင် ကျင်းပသည့် ဈေးရောင်းပွဲတော်ကြီး များတွင် သွားရောက်ရောင်းချရသည့်အထိ နာမည်ကျော် လူကြိုက်များလှပါတယ်။
“ဒေါ်ဟန်” ကြက်အူချောင်း/ဝက်အူချောင်းလုပ်ငန်းကို အတွက် အသုံးပြုသော ကုန်ကြမ်း များမှာ ဆိတ်အူ၊ ကြက်သား၊ ဝက်သား၊ သကြား၊ ဆား နှင့် တရုတ်မဆလာတို့ ဖြစ်တယ်လို့လဲ သိရှိရပါတယ်။ “ဒေါ်ဟန်” ကြက်အူချောင်း/ဝက်အူချောင်းလုပ်ငန်းအား (၁၉၈၁) ခုနှစ်ကတည်း မှ စတင်၍ဆောင်ရွက်ခဲ့ပြီး ရင်းနှီးမြုပ်နှံမှုအနေဖြင့် ကျပ်(၃၅)သိန်းခန့် ရင်းနှီးမြုပ်နှံထားပြီး၊ တစ်နှစ်လျှင် အမြတ်ငွေ ကျပ်သိန်း(၅၀)ခန့်ရရှိသည့်အထိ အောင်မြင်ပြီး လူကြိုက်များတဲ့ အမှတ် တံဆိပ် တစ်ခုလည်းဖြစ်တယ်လို့ လေ့လာသိရှိရပါသည်။
DOCA(ဧရာဝတီ)