ပြည်ကုန်စည်ဒိုင်တွင် မတ်ပဲ၊ ပဲစင်းငုံ၊ ကုလားပဲ၊ ပဲကြီး၊ ဘိုကိတ် စသဖြင့် ပဲမျိုးစုံများ အရောင်းအဝယ်ဖြစ်လျက်ရှိပါသည်။
ဖေဖော်ဝါရီလ ဒုတိယပတ်တွင် မတ်ပဲတစ်တင်းကို ၉၄၀၀၀ကျပ် ဖြင့် တစ်ရက်ကိုအိတ် ၂၀၀ခန့် ရန်ကုန်အဝယ်ရှိပါသည်။ ပဲစင်းငုံတစ်တင်းကို ၉၁၀၀၀ကျပ်ဖြင့် ရန်ကုန်ဝယ်လက် တစ်ရက်ကို အိတ်၄၀၀ခန့်ရှိပါသည်။ ဖေဖော်ဝါရီ ဒုတိယပတ်တွင် ကုလားပဲသစ်များ အဝင်ရှိလာပြီး ကုလားပဲ(HL) တစ်တင်းကို ၈၀၀၀၀-၈၁၀၀၀ကျပ်၊ ကုလားပဲ(မြကြေးမှုံ) တစ်တင်းကို ၈၄၀၀၀-၈၅၀၀၀ကျပ်ဖြင့် ဈေးစဖွင့်ပြီး တစ်ရက်ကိုအိတ် ၂၅၀ခန့် အဝင်ရှိပြီးဝင်သလောက် အရောင်း အဝယ်ဖြစ်ပါသည်။ ကုလားပဲ(HL) အဟောင်းတစ်တင်းကို ၈၅၀၀၀ကျပ်ဖြင့် မြို့တွင်း ခွဲစက်သမား များ တစ်ရက်ကိုအိတ် ၂၀၀ခန့်အဝယ်ရှိပါသည်။ ဖေဖော်ဝါရီ ဒုတိယပတ်တွင် ပဲကြီး(ရွှေကျွန်း) တစ်တင်းကို ၈၅၀၀၀ကျပ်၊ ပဲကြီး(ကုန်းပဲ)တစ်တင်းကို ၈၀၀၀၀ကျပ်ဖြင့် မြို့တွင်းပဲကြော်သမားများ တစ်ရက်ကိုအိတ် ၂၀၀ခန့် အဝယ်ရှိပါသည်။ ဘိုကိတ်ပဲတစ်တင်းကို ၇၇၀၀၀-၇၈၀၀၀ကျပ်ဖြင့် ဈေးကျနေခဲ့ပြီး မြို့တွင်းနှင့်ရန်ကုန်အဝယ် တစ်ရက်ကိုအိတ် ၁၀၀/၁၅၀ခန့်အဝယ်ရှိကြောင်း သိရှိရပါသည်။
DOCA(ပဲခူး)