မန္တလေးတိုင်းဒေသကြီး ၊ ကျောက်ဆည်ခရိုင်သည် သီးနှံမျိုးစုံ စိုက်ပျိုးဖြစ်ထွန်းပြီး စပါး၊ပဲ၊ ပြောင်း သီးနှံမျိုးစုံစိုက်ပျိုးသည့်အပြင် ပဲယဉ်းသီးနှံကိုလည်း စိုက်ပျိုးလာကြပါသည်။ ၂၀၂၄-၂၀၂၅ ဘဏ္ဍာနှစ်တွင်(၅၁၈)ဧကစိုက်ပျိုးထားရှိကြောင်း၊ခရိုင်ကြေးတိုင်နှင့်မြေစာရင်းဦးစီးဌာန၏စာရင်းများ
အရသိရှိရပါသည်။အောက်တိုဘာလဆန်းမှစတင်စိုက်ပျိုးခဲသော ပဲယဉ်းသီးနှံများမှာယခုဖေဖော်ဝါရီလ ဒုတိယပတ်မှစတင်၍ထွက်ရှိနေပြီဖြစ်ကြောင်း၊ပဲယဉ်းစိုက်ပျိုးမှုအနေဖြင့် ပတ်ကြဲစနစ်ဖြင့်စိုက်ပျိုးပြီး (၁)ဧက ကုန်ကျစရိတ်အနေဖြင့် မျိုး၊ သွင်းအားစု၊လုပ်သားခ အပါအဝင် (၂၀၀၀၀၀/-)ကျပ်ခန့် ကုန်ကျ ကြောင်း ၊ အများဆုံးစိုက်ပျိုးသောမျိုးများမှာ ပဲယဉ်းကြီးမျိုး နှင့် ပဲယဉ်းသေးမျိုးများဖြစ်ကြောင်း ၊ (၁)ဧက အထွက်နှုန်းအနေဖြင့်(၂၀-၂၅)တင်းထွက်ရှိပြီး ယခင်နှစ် ပဲယဉ်းစျေးနှုန်းအနေဖြင့် တစ်တင်း လျှင်(၄၅၀၀၀/-)ကျပ်ဖြစ်ပြီး ယခုလက်ရှိ ပဲယဉ်းပေါက်စျေးအနေဖြင့် တစ်တင်းလျှင်(၆၁၀၀၀/-)ကျပ် ဖြင့်ရောင်းဝယ်လျှက်ရှိကြောင်း တောင်သူများမှ မိမိတို့ကျေးရွာနှင့်နီးစပ်သော ကျောက်ဆည် ၊ မြစ်သားမြို့ရှိပွဲရုံများသို့ တိုက်ရိုက်တင်ပို့ရောင်းချလျှက်ရှိပြီး ပွဲရုံများမှတဆင့် မန္တလေး၊ရန်ကုန်မြို့များ သို့တင်ပို့ရောင်းချကြကြောင်း ပဲယဉ်းစိုက်ပျိုးမှု(၁)ဧက အကျိုးအမြတ်အနေဖြင့် စိုက်ပျိုးစရိတ်နှုတ်ပြီး ပါက(၁၀)သိန်းကျော်မြတ်ကြောင်း ပဲယဉ်းစိုက်ပျိုးသောတောင်သူတစ်ဦး၏ ပြောကြားချက်အရသိရှိရ ပါသည်။
DOCA(မန္တလေး)