“ နွားမွေးမြူရေးနှင့် နွားစျေးကွက်အား ကွင်းဆင်းလေ့လာ”

                မန္တလေးတိုင်းဒေသကြီး ၊ ကျောက်ဆည်ခရိုင် ၊ စားသုံးသူရေးရာဦးစီးဌာနမှ ဝန်ထမ်းများသည်တွင် ကျောက်ဆည်မြို့နယ်၊ လက်ပန်ကျေးရွာ   နွားပွဲစျေးရှိ နွားစျေးကွက်အခြေအနေနှင့် ကျေးရွာအတွင်းရှိ နွားမွေးမြူရေးခြံများအား သွားရောက်လေ့လာသိရှိခဲ့ရပါသည် ။ နွားပွဲစျေးရှိ ကျောက်ဆည်မြို့နယ် ၊ တံတားဦးလေးကျေးရွာမှ နွားခြံပိုင်ရှင် ဦးမြင့်အောင်နှင့်တွေ့ဆုံ၍ နွားထီး/ နွားမများ၏စျေးနှုန်းများနှင့် သိရှိလိုသည်များကို တွေ့ဆုံမေးမြန်းရာနွားခြံပိုင်ရှင်မှ ယခုလက်ရှိအချိန်တွင်နွားထီးအကြီးစျေးမှာ စျေးကွက်အခြေအနေမကောင်းဖြစ်နေ၍ အရောင်းအဝယ်အေးနေကြောင်း နှင့်ယခုလက်ရှိ နွားထီးသွား(၄)ချောင်းစိုက် နွားသိုးများသာ အရောင်းအဝယ်ဖြစ်နေကြောင်း သိရှိရပါသည်။ နွားသိုးများ အရောင်းအဝယ်စျေးကောင်းရနေခြင်းမှာ နွားသိုးများကို အမဲသားစျေးကွက်နှင့် တွက်ချက်ဝယ်ယူပြီး အမဲသားထွက်ရှိမှုမှာ နွားကြီးများထက် အမဲသားပိဿာချိန် ပိုမိုထွက်ရှိခြင်းကြောင့်ဖြစ်ကြောင်း၊နွားကြီးစျေးကွက် အရောင်းအဝယ်စျေးအေးနေရခြင်းမှာ ယခုလက်ရှိအချိန်တွင် တရုတ်ကုန်သွယ်မှုလမ်းကြောင်းပိတ်ထား၍တရုတ်ပြည်မှ နွားများအဝယ်ရပ်ထားခြင်းဖြစ်ကြောင်း သိရှိရပါသည်။ယခုလက်ရှိအချိန်တွင် နွားသိုးများသာပြည်တွင်းရောင်းဝယ်မှုအတွက် ကြိုက်ရောင်း ကြိုက်ဝယ်ဖြစ်၍ စျေးနှုန်းများမြင့်တက်နေရပြီး ယခုလတ်တလော နွားထီးစျေးနှုန်းမှာ နွားထီးသွား (၄)ချောင်းစိုက်တစ်ကောင်လျှင်(၇၅၀၀၀၀-၈၀၀၀၀၀)ကျပ်စျေးနှုန်းများဖြင့် အရောင်းအဝယ်ဖြစ်နေပြီး နွားထီးသွား(၆)ချောင်းစိုက်တစ်ကောင်လျှင်(၈၀၀၀၀၀-၉၀၀၀၀၀)ကျပ်စျေးနှုန်းများဖြင့်အရောင်း အဝယ်ဖြစ်နေကြောင်း ၊နွားကြီးစျေးနှုန်းများအနေဖြင့် ယခင်စျေး နွားကြီးသွားစုံ တစ်ကောင်လျှင်(၁၅၀၀၀၀၀-၁၈၀၀၀၀၀)ကျပ်ရှိခဲ့ရာ ယခုကာလပေါက်စျေးအနေဖြင့် (၁၂၀၀၀၀၀-၁၃၀၀၀၀၀)ကျပ် ဝန်းကျင်စျေးနှုန်းများရှိပြီး အရောင်းအဝယ်အေးလျက်ရှိကြောင်း သိရှိရပါသည် ။ လက်ပန်နွားပွဲစျေးမှာ(၇)ရက်လျှင်(၁)ကြိမ် ရောင်းဝယ်လျက်ရှိပြီး  နွားကြီးများမှာ တစ်ကောင်စ ၊ နှစ်ကောင်စ တောင်သူများခိုင်းရန်အတွက် လာရောက်ဝယ်ယူနေသည်ကိုသာတွေ့ရှိရပြီး ဝယ်လက်နည်းကြောင်း၊နွားကြီးများသည် တရုတ်ဝယ်လက်အကြိုက်ဆုံးနွားများဖြစ်ပြီး တရုတ်ဝယ်လက်များ အား အဓိကထားရောင်းချနေရသောကြောင့် ယခုလက်ရှိအချိန်တွင် တရုတ်ဝယ်လက် ရပ်နားထားသောကြောင့် နွားကြီးစျေးကွက်အေးလာရခြင်းဖြစ်ကြောင်း နွားခြံပိုင်ရှင်၏ပြောပြချက်အရ သိရှိရပါသည်။

DOCA(မန္တလေး)