ဥရောပရှိ ကိုကာကိုလာ၏ ဘူးသွင်းစက်ရုံက၏ ပြောကြားချက်များအရ ဘယ်လ်ဂျီယံ၊လူဇင်ဘတ်နှင့်နယ်သာလန်နိုင်ငံတို့၌ရောင်းချလျက်ရှိသောအချိုရည်များ ကို ပုလင်းဖြည့်သွင်းရာ၌ ပုံမှန်စစ်ဆေးမှုများပြုလုပ်နေစဉ်အတွင်း အချို့ အချိုရည်ဘူး များ၌ ကလိုရိတ် ဓာတုပစ္စည်းမြင့်မားစွာပါဝင်နေကြောင်း စစ်ဆေးတွေ့ရှိရသဖြင့် ကိုကာကိုလာကုမ္ပဏီအနေဖြင့်၎င်းဘူးများကိုဇန်နဝါရီလအတွင်းပြန်လည်သိမ်းဆည်း ခဲ့ကြောင်း သိရသည်။
Coca-Cola Europacific Partners ၏ ထုတ်ပြန်ချက်အရ ပြန်လည်သိမ်း ဆည်းသော အချိုရည်ဘူး၊ ဖန်ပုလင်းများတွင် ကုမ္ပဏီမှထုတ်လုပ်သော Coca-Cola, Sprite, Fanta, Fuze Tea, Minute Maida, Nalu, Royal Bliss နှင့် Tropico တို့ပါဝင် ကြောင်း သိရသည်။ ထို့အပြင် လူဇင်ဘတ်တိရစ္ဆာန်ကုသရေးနှင့် အစားအစာ အုပ်ချုပ် ရေးဌာနအရ ကလိုရိတ်နှင့်ထိတွေ့ခြင်းသည် ကျောက်ကပ်ပြဿနာများကို ဖြစ်စေ နိုင်ပြီး သိုင်းရွိုက်လုပ်ဆောင်ချက်ကို ထိခိုက်စေနိုင်ကြောင်း သိရသည်။
နယ်သာလန် အစားအစာနှင့် စားသုံးသူထုတ်ကုန်လုံခြုံရေး အာဏာပိုင် အဖွဲ့ကမူ စာသုံးသူများအား ထုတ်ကုန်များ မသောက်သုံးရန် တိုက်တွန်းသည့် သတိပေးချက်ထုတ်ပြန်ခဲ့ပြီး ဘယ်လ်ဂျီယံ အစားအစာကွင်းဆက် လုံခြုံရေးဆိုင်ရာ ဖက်ဒရယ်အေဂျင်စီကလည်း ထိုထုတ်ကုန်များကို ပြန်လည်သိမ်းဆည်းကြောင်း ကြေညာခဲ့သည်။
သို့သော် ကိုကာကိုလာ၏ အချိုရည်ဘူးများ ပြန်လည်သိမ်းဆည်းမည့် ထုတ်ပြန်ချက်တွင်မူ ၎င်းဘူးများတွင် ပါဝင်သည့် ကလိုရိတ်ပမာဏအနေဖြင့် ကလေး ငယ်များကို အန္တရာယ်မဖြစ်စေနိုင်ကြောင်း ပြောကြားခဲ့သည်။ ထို့ပြင် ကုမ္ပဏီ ပြောရေး ဆိုခွင့်ရှိသူကလည်း ကျွမ်းကျင်သူများ၏ ခွဲခြမ်းစိစစ်မှုအရ စားသုံးသူများအတွက် ဆက်စပ်အန္တရာယ်ဖြစ်နိုင်ချေသည် “အလွန်နည်းပါး”ကြောင်း ပြောကြားခဲ့ပြီး ကုမ္ပဏီ အနေဖြင့်မူ “328 GE” မှ “335 GE” အထိ ထုတ်လုပ်မှုကုဒ်များပါဝင်သော ထုတ်ကုန် များကို ပြန်လည်းသိမ်းဆည်းသွားမည်ဖြစ်ကြောင်း ပြောကြားခဲ့သည်။
ဘယ်လ်ဂျီယံ၊လူဇင်ဘတ်နှင့်နယ်သာလန်နိုင်ငံတို့တွင် ပြန်လည်သိမ်းဆည်း မှုများကြောင့် ဥရောပရှိ အခြားဒေသများတွင်လည်း Coca-Cola ကုန်ပစ္စည်းများကို ပြန်လည်စစ်ဆေးစေမှုများ ဖြစ်ပေါ်စေခဲ့သည်။ ဗြိတိန်အစားအစာစံချိန်အေဂျင်စီမှ လည်း ကလိုရိတ်မြင့်မားသေား Coca-Cola ထုတ်ကုန်များကို ၎င်းတို့ဈေးကွက်တွင် ရှိ/ မရှိ စုံစမ်းစစ်ဆေးလျက်ရှိကြောင်း ပြောကြားခဲ့သည်။
DOCA (မန္တလေး)