ရက်စွဲ၊ ၁၉.၂.၂၀၂၅
ကန့်ဘလူခရိုင်၊ ကန့်ဘလူမြို့တွင် စိုက်ပျိုးရေးကို အဓိကလုပ်ကိုင်လျက်ရှိရာ မိမိတို့ အိမ်ခြံ ဝင်းအတွင်းနှင့် တောင်ယာမြေများတွင် တစ်နိုင်တစ်ပိုင်အနေဖြင့် စားဖိုဆောင်သီးနှံများ၊ နှစ်ရှည် သီးနှံပင်များကို စိုက်ပျိုးထားကြသည့်အနက် နှစ်ရှည်ပင်ဖြစ်သည့် ပိန္နဲပင်သည်လည်း တစ်မျိုးပါဝင် ပါသည်။ ပိန္နဲသီးပြုတ်ကို ယခု ဖေဖော်ဝါရီလ ဒုတိယပတ်တွင် စတင်ပေါ်ထွက်လာပြီး ဈေးကွက် အတွင်းသို့ ရောက်ရှိလာခြင်း ဖြစ်ပါသည်။ ပိန္နဲသီးပြုတ်ကို မိမိတို့ဒေသတွင်သာမက ဒေသတိုင်းတွင် လူကြိုက်များပြီး အစားများ ကြသော အသီးတစ်မျိုးဖြစ်ပါသည်။
ပိန္နဲသီးပြုတ်ကို မိမိတို့ကြိုက်နှစ်သက်သည့် ပုံစံအမျိုးမျိုးနှင့် အသုံးပြုကြပုံမှာ ပိန္နဲသီးပြုတ်ကို မြေပဲဆံထောင်း၊ နှမ်းထောင်း၊ ကြက်သွန်ဖြူ/နီ ဆီချက်တို့ဖြင့် သုပ်စားခြင်း၊ ပိန္နဲသီးပြုတ်ကို ပိတ်စွယ်၊ ပိန္နဲသီးပြုတ်ကိုအချိုချက်ခြင်း၊ ဆူးပုတ်ရွက်တို့ဖြင့်ရောနှောချက်စားခြင်း ၊ ပိန္နဲသီးအနုပြုတ် ကို ငပိရည်တို့စရာအဖြစ်တို့ စားခြင်း၊ ပိန္နဲသီးပြုတ်ကို ပဲနီပင်ညှောက် ခရမ်းသီး စသည်တို့နှင့်လည်း ရောနှော၍ ချက်စားကြ ပါသည်။
ယခု ၂၀၂၅ ခုနှစ်၊ ဖေဖော်ဝါရီလ တတိယအပတ် ကန့်ဘလူမြို့မဈေးတွင် ရောင်းချနေသော ပိန္နဲသီးပြုတ် ဈေးနှုန်းအနေဖြင့် ပိန္နဲသီးပြုတ် တစ်ပိဿာလျှင်(၆၀၀၀)ကျပ်၊ ပိန္နဲသီးပြုတ်ကို (၅၀) ကျပ်သားလျှင် (၃၀၀၀)ကျပ် နှင့် ပိန္နဲသီးပြုတ် (၂၅)ကျပ်သားလျှင် (၁၅၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းဈေးသည်တစ်ဦးထံမှ သိရပါသည်။
DOCA(စစ်ကိုင်း)