ပုသိမ်မြို့ မြို့တော်ခန်းမတွင် မတ်လ (၁၁) ရက်နေ့၊ နံနက် (၀၉:၀၀) နာရီအချိန်တွင် ၊ “ ကမ္ဘာ့စားသုံးသူအခွင့်အရေးများနေ့ ” အထိမ်းအမှတ်အခမ်းအနား ကျင်းပပြုလုပ်ရာ ဧရာဝတီတိုင်းဒေသကြီးအစိုးရအဖွဲ့ ဝန်ကြီးချုပ်ဦးတင်မောင်ဝင်းက အဖွင့်အမှာစကားပြောကြား၍ တိုင်းဒေသကြီးအစိုးရအဖွဲ့ ဝန်ကြီးများ စားသုံးသူရေးရာဦးစီးဌာန တိုင်ဦးစီးမှူးနှင့် ဖိတ်ကြားထားသော တိုင်းအဆင့်ဌာနဆိုင်ရာများ၊ စားသုံးသူ ရေးရာကော်မတီအဖွဲ့ဝင်များ၊ တိုင်းဦးစီးမှူးများ၊ အသင်းအဖွဲ့များ၊ ကုန်သည်လုပ်ငန်းရှင်များနှင့် ဖိတ်ကြားထားသော ဧည့်သည်တော်များ စုစုပေါင်း (၃၀၀) ဦးခန့်တက်ရောက်ခဲ့ပါသည်။
ဆက်လက်၍ ဧရာဝတီတိုင်းဒေသကြီး စားသုံးသူရေးရာကော်မတီအတွင်းရေးမှူး ဦးဝင်းထွန်းက စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအား ရှင်းလင်းတင်ပြပြီး ကမ္ဘာ့စားသုံးသူ အခွင့်အရေးများနေ့ (WCRD) အထိမ်းအမှတ်အဖြစ် Video Clip ပြသ၍ စားသုံးသူရေးရာဌာနမှ ဝန်ထမ်းများမှ အခမ်းအနားသို့ ကြွရောက်လာသော ဧည့်ပရိတ်သတ်များအား စားသုံးသူတိုင်ကြားမှုအတွက် သရုပ်ပြစေ့စပ်ညှိနှိုင်းမှု Mock Meditation ဖြင့် သရုပ်ပြဖော်ပြခဲ့ပါသည်။ အခမ်းအနားအစီအစဉ် ပထမအပိုင်းအတွက် စုပေါင်းမှတ်တမ်းတင်ဓါတ်ပုံရိုက်ကူးခြင်းနှင့် ဧည်ခံကျေးမွေးခြင်း အစီအစဉ်ပြုလုပ်ခဲ့ပြီး အခမ်းအနား ဒုတိယပိုင်းတွင် စောင့်ရှောက်ဝိုင်းကူ စားသုံးသူသီချင်းဖြင့် ကပြဖျော်ဖြေခဲ့ပြီး ဧရာဝတီတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် အထွေထွေအတွင်းရေးမှူး ဦးမောင်မောင်ဦးက သဘာဝပတ်ဝန်းကျင်စဉ်ဆက်မပြတ် တည်ရှိနိုင်ရေးအတွက် လူမှုဘဝအစဉ်တည့်တံဖို့ မျှတအသွင်ကူးပြောင်းစို့ ခေါင်းစဉ်ဖြင့် ဟောပြောဆွေးနွေးခဲ့ပါသည်။
အထွေထွေအတွင်းရေးမှူး ဦးမောင်မောင်ဦးမှ ဆွေးနွေးဟောပြောခဲ့ပြီး တက်ရောက်လာသူများအား ညဏ်စမ်းမေးခွန်းမေးမြန်းခြင်းနှင့် ဆုချီးမြင့်ခြင်း အစီအစဉ်တို့ ကျင်းပပြုလုပ်ခဲ့ပြီး အခမ်းအနားကို ရုတ်သိမ်းခဲ့ကြောင်း သိရှိရပါသည်။
DOCA(ဧရာဝတီ)