စားသုံးသူရေးရာဦးစီးဌာန၊ကြံခင်းမြို့နယ်တာဝန်ခံသည် (၁၁.၃.၂၀၂၅) ရက်နေ့ နံနက်(၁၀:၃၀) နာရီအချိန်တွင် ကြံခင်းမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre)ခန်းမ၌ ကုန်စည်များဘေးအန္တရာယ်ကင်းရှင်းစေရေးအတွက် ဆောင်ရွက်သင့်သည့် လုပ်ငန်းစဉ်များအကြောင်း အသိပညာပေး Talk Show အစီအစဉ်ကိုဆောင်ရွက်ခဲ့ပါသည်။
အဆိုပါ အစီအစဉ်တွင် မြို့နယ်တာဝန်ခံ ဦးကျော်နိုင်ဝင်းမှ စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များအကြောင်း၊ ဦးစီးဌာနအနေဖြင့် စားသုံးသူများ အခွင့်အရေးအပြည့်အဝရရှိစေရန်၊ စားသုံးသူများ၏နစ်နာဆုံးရှုံးမှုများကို ကာကွယ်ပေးရန်အတွက် ဘေးအန္တရာယ်ရှိသောကုန်စည်များနှင့်စပ်လျဉ်း၍ ထိထိရောက်ရောက်အရေးယူဆောင်ရွက်ရန်၊ ပြန်လည်သိမ်းဆည်းစေခြင်း၊ တားမြစ်ခြင်း၊ သက်ဆိုင်ရာဌာနတစ်ခုခု၏ ဥပဒေနှင့်အညီ အရေးယူဆောင်ရွက်ခြင်းများ၊ အများပြည်သူသိရှိနိုင်ရေးအတွက် website များတွင် သတိပေးကြေညာခြင်းများ ဆောင်ရွက်လျက်ရှိပြီး၊ စားသုံးသူအသုံးပြုမှုများသောကုန်စည်များ ဘေးအန္တရာယ်ကင်းရှင်းစေရေးအတွက် အခြားသက်ဆိုင်ရာအစိုးရဌာနများနှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်းများ၊ ဘေးအန္တရာယ်မရှိသည့် ကုန်စည်များ ထုတ်လုပ်ဖြန့် ဖြူးနိုင်ရေးအတွက် စက်ရုံ၊ အလုပ်ရုံများသို့ အသိပညာပေးခြင်း စသည်တို့ကို ဆောင်ရွက်လျက်ရှိကြောင်း အကျယ်တဝင့် အသိပညာပေး ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)