ယခုအချိန်တွင် လိုင်ချီးသီးများလှိုင်လှိုင်ပေါ်နေသည့်အတွက် ဈေးကွက်အတွင်း အရောင်းအဝယ်များဖြစ်နေကြောင်း သိရပါသည်။ လှိုင်ချီးသီးများကို မြန်မာပြည်အနှံ့အတွင် စိုက်ပျိုးကြပြီး ရှမ်းပြည်နယ် (မြောက်ပိုင်း)အတွင်းရှိ မြို့နယ်များတွင် စီပွားဖြစ်စိုက်ပျိုးကြကြောင်း သိရှိရပြီး နောင်မွန်ကျေးရွာနှင့် နောင်လိုင်ကျေးရွာတို့မှ အများဆုံးစိုက်ပျိုးထွက်ရှိသော လိုင်ချီးသီးများသည် အလုံးကြီးပြီးအရသာချိုသောကြောင့် လူကြိုက်များ၍ အရောင်းတွက်ကြောင်းကို ခြံရှင်နှင့် လက်ကား ဝယ်ယူသူထံမှ သိရှိခဲ့ရပါသည်။
၎င်းအသီးများကိုလားရှိုးမြို့တွင်းသာမက မှာယူသည့်အပေါ်မူတည်၍ လောက်ကိုင်မြို့၊ မူဆယ်မြို့၊ ရန်ကုန်၊ မန်းလေးနှင့်စသည့်အခြားမြို့ များသို့လည်း တင်ပို့ရောင်းချကြောင်းနှင့် အသီးကို တစ်ပိဿာလျှင်စစပေါ်ချိန်တွင်(၆၀၀ဝိ/-)ကျပ်ရှိပြီး ယခုအချိန်တွင် တစ်ပိဿာလျှင်(၂၀၀ဝိ/-မှ ၂၅၀ဝိ/-)ကျပ်ဖြင့် ဈေးကွက်အတွင်း ရောင်းချနေကြောင်း သိရှိရပါသည်။ လားရှိုးမြို့ပေါ်ရှိ အိမ်များတွင်လည်း တစ်ပိုင်တစ်နိုင်မိမိတို့၏ အိမ်ခြံဝန်းအတွင်းများတွင် စိုက်ပျိုးထားလျက်ရှိကြောင်း သိရှိရပါသည်။
DOCA(ရှမ်း)