ပြည်မြို့တွင် နံနံပင်ကို ပန်းတောင်း၊ ပေါင်းတလည်၊ ပေါက်ခေါင်း၊ ရွှေတောင်၊ သဲကုန်း မြို့များတွင် စိုက်ပျိုးကြပါသည်။ ရာသီအချိန်မရွေးစိုက်ပျိုးလို့ရပေမယ့် မိုးတွင်းပိုင်းတွင် ရှားပါးပါသည်။ နံနံစေ့ တစ်ပိဿာလျှင် ပိဿာချိန် ၄၀ခန့်ထွက်ရှိကြောင်း သိရှိရပါသည်။ ပြည်ဈေးကွက်မှ နံနံပင်များကို ရန်ကုန်သို့အများဆုံးတင်ပို့ရောင်းချလျက်ရှိပါသည်။ တင်ပို့သည့်အခါ ဂုန်နီအိတ်နှင့် ၄၀ပိဿာ၊ ပီနံအိတ်နှင့် ၂၅ပိဿာဖြင့် ထုတ်ပိုးတင်ပို့လျက်ရှိကြောင်း သိရပါသည်။ တစ်နှစ်လျှင် ပိဿာချိန် ၂၀၀၀၀ခန့် အရောင်းအဝယ်ဖြစ်ကြောင်း သိရပါသည်။ ပြည်ဈေးကွက်အနေဖြင့် နံနံပင်တစ်ပိဿာလျှင် ၄၀၀၀ကျပ် ဈေးဖြင့် ဈေးကောင်းရနေပါသည်။
အလားတူ ဒညင်းသီးပေါ်သော ရာသီအချိန်ကာလဖြစ်၍ ဒညင်းသီးများကို စားသုံးသူများက ဈေးကောင်းပေး၍ ဝယ်ယူစားသုံးကြပါသည်။ ယခုဈေးကွက်ထဲတွင် ရောင်းချနေသော မော်လမြိုင် ဒညင်းသီးများ အလုံး အကြီးအသေးပေါ်မူတည်၍ ဈေးနှုန်းကွာခြားကြောင်း သိရပါသည်။ ဒညင်းသီး အချောတစ်လုံးလျှင် ကျပ် ၂၀၀ မှ ၁၈၀ကျပ်၊ ဒညင်းသီးအလတ် တစ်လုံးလျှင် ကျပ် ၁၅၀ မှ ၁၀၀ ကျပ်၊ ဒညင်းသီး အသေးတစ်လုံးလျှင် ကျပ် ၇၀မှ ၅၀ကျပ်ထိရှိပြီး ပြည်စျေးကွက်တွင် ဖြစ်နေကြောင်းသိရှိရပါသည်။
DOCA(ပဲခူး)