ဧရာဝတီတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီ၏ ညွှန်ကြားချက်ဖြင့် ဖျာပုံမြို့နယ်စီမံအုပ်ချုပ်ရေးအဖွဲ့ဥက္ကဌ ဦးသက်ထားမောင်နှင့် အဖွဲ့ဝင်များ၊ မြို့နယ်အဆင့် သက်ဆိုင်ရာဌာနများ ပူးပေါင်း၍ ဇွန်လ(၁၂)ရက်နေ့တွင် ဖျာပုံမြို့နယ်အတွင်းရှိ ဓါတ်မြေဩဇာ အရောင်းဆိုင်များ၊ မော်တော်ဆိုင်ကယ်အရောင်းဆိုင်များ၊ တယ်လီဖုန်းအရောင်းဆိုင်များအား ကွင်းဆင်းစစ်ဆေးခဲ့ကြောင်း သိရသည်။
အဆိုပါ အရောင်းဆိုင်များစစ်ဆေးရာ၌ ဓါတ်မြေဩဇာ အရောင်းဆိုင်တွင် အမိုနီယမ်နိုက်ထရိတ်များအား ဓါတ်မြေဩဇာများနှင့်ရောနှော၍ တင်သွင်းသိုလှောင်ရောင်းချခြင်းရှိ/မရှိနှင့် မော်တော်ဆိုင်ကယ်အရောင်းဆိုင်များ၊ တယ်လီဖုန်းအရောင်းဆိုင်များတွင် ရောင်းချသည့် ကုန်ပစ္စည်းများ တရားဝင်လုပ်ထုံးလုပ်နည်းနှင့်အညီ တင်သွင်းရောင်းချမှုရှိ/မရှိ စစ်ဆေးခဲ့ကြောင်း သတင်းရရှိပါသည်။
DOCA(ဧရာဝတီ)