ဒိန်းမတ်နိုင်ငံဆိုင်ရာ ဗီယက်နမ်၊ ဖိလစ်ပိုင်၊ ထိုင်းနှင့် အင်ဒိုနီးရှားသံရုံးတို့သည် ဒိန်းမတ်နိုင်ငံတွင် အာဆီယံ-ဒိန်းမတ်စီးပွားရေးဖိုရမ်ပူးတွဲကျင်းပခဲ့ကြောင်း သိရပါသည်။ ထိုဖိုရမ်ကို နိုင်ငံခြားရေးဝန်ကြီးဌာနများ၊ စီးပွားရေးအသင်းများနှင့် ဒိန်းမတ်နိုင်ငံမှအဓိက ကော်ပိုရေးရှင်းများမှ ၅၀ ဦးနီးပါးတက်ရောက်ခဲ့ကြောင်း သိရပါသည်။ အခမ်းအနားတွင် ဖိလစ်ပိုင်သံအမတ် Leo Herrera-Lim က အင်ဒို-ပစိဖိတ်ဒေသတွင် အာဆီယံ၏ အချက်အချာကျစွာတည်ရှိမှုကို အသားပေး ပြောကြားခဲ့ကြောင်း သိရပါသည်။ အရှိန်အဟုန်နှင့်ကြီးထွားနေသောစီးပွားရေး၊ လူဦးရေ သန်း ၆၇၀ ကျော်ရှိသောဈေးကွက်နှင့် စုစုပေါင်း GDP အမေရိကန်ဒေါ်လာ ၃.၈ ထရီလီယံနှင့်အတူ ဒေသသည် ဒိန်းမတ်အပါအဝင် ဥရောပရင်းနှီးမြှုပ်နှံသူများကို ဆွဲဆောင်လျက်ရှိကြောင်း သိရပါ သည်။ ဆွေးနွေးမှုများအတွင်း အာဆီယံတွင် လုပ်ငန်းလည်ပတ်နေသည့် စီးပွားရေးလုပ်ငန်းရှင် များသည် အဖွဲ့ဝင်နိုင်ငံများ၏ တိုးတက်လျှက်ရှိသော ရင်းနှီးမြှုပ်နှံမှုဝန်းကျင်ကို အသားပေး ပြောကြားခဲ့ကြောင်း သိရပါသည်။ ၎င်းတို့က အာဆီယံ၏ထောက်ပံ့ပို့ဆောင်ရေးအချက်အခြာ အဖြစ်ပေါ်ထွက်လာမှု၊ ငယ်ရွယ်ပြီးကျွမ်းကျင်သောလုပ်သားထုမြင့်တက်လာမှုနှင့် ဒစ်ဂျစ်တယ် အသွင်ကူးပြောင်းရေးနှင့် စဉ်ဆက်မပြတ်ဖွံ့ဖြိုးတိုးတက်ရန်အာမခံချက်ရှိမှုအပေါ် ထောက်ပြ ပြောဆိုခဲ့ကြောင်း သိရပါသည်။ သို့သော်အခြေခံအဆောက်အအုံဖွံ့ဖြိုးတိုးတက်မှုအားနည်းမှု၊ တည်ငြိမ်မှုမရှိသောဥပဒေမူဘောင်များနှင့် ရှုပ်ထွေးသောအုပ်ချုပ်မှုလုပ်ငန်းစဉ်များပါဝင်သည့် စိတ်ခေါ်မှုများဆက်လက်ရှိနေသေးကြောင်း သိရပါသည်။ ထိုစိုးရိမ်မှုများရှိနေသော်လည်း များစွာသောဒိန်းမတ်လုပ်ငန်းများသည် အာဆီယံတွင် ၎င်းတို့၏တည်ရှိမှုကိုအားကောင်းရန် ဆုံးဖြတ်ချက်ချထားကြောင်း သိရပါသည်။ ဗီယက်နမ်သံအမတ် Luong Thanh Nghi က အာဆီယံသည် ရင်းနှီးမြှုပ်နှံမှုနှင့် စီးပွားရေးလုပ်ငန်းများအတွက် ကမ္ဘာ့အာမခံချက်အရှိဆုံးနေရာ များထဲမှတစ်ခုအဖြစ် လျှင်မြန်စွာဖြစ်ပေါ်လာကြောင်း ပြောကြားခဲ့ပါသည်။ အာဆီယံသည် အာရှတွင် တတိယအကြီးဆုံး GDP နှင့် ကမ္ဘာပေါ်တွင် ပဉ္စမမြောက်အကြီးဆုံး GDP ကိုပိုင်ဆိုင်ထား ကြောင်း သိရပါသည်။ ထို့ပြင် အဓိကစီးပွားရေးအင်အားကြီးနိုင်ငံများဖြစ်သည့် တရုတ်၊ အိန္ဒိယ နှင့် ဩစတေးလျတို့ကြား ဗျူဟာကျသောတည်နေရာတွင် ရပ်တည်နေကြောင်း သိရပါသည်။ ထို့ပြင်ဒေသသည် လွတ်လပ်သောကုန်သွယ်ရေးသဘောတူညီချက်များကိုလည်း ဥရောပသမဂ္ဂ အပါအဝင်များစွာသော ကမ္ဘာ့မိတ်ဖက်များနှင့်ချုပ်ဆိုထားကြောင်း သိရပါသည်။ ကမ္ဘာလုံးဆိုင်ရာ စီးပွားရေးနှင့် ပထဝီဝင်လမ်းပြမြေပုံအသွင်ကူးပြောင်းမှုကြောင့် အာဆီယံသည် ဒစ်ဂျစ်တယ် အသွင်ကူးပြောင်းခြင်း၊ နယ်စပ်ဖြတ်ကျော်ကုန်သွယ်ရေး၊ အစိမ်းရောင်အသွင်ကူးပြောင်းခြင်း၊ စက်ဝန်းပုံစီးပွားရေးနှင့် စဉ်ဆက်မပြတ်ကြီးထွားမှု အစရှိသည်တို့ကို ၎င်းတို့၏ လိုက်လျော ညီထွေဆောင်ရွက်နိုင်မှုကြောင့် ရင်းနှီးမြှုပ်နှံသူများအတွက် ထိပ်တန်းရွေးချယ်မှုအဖြစ် ပေါ်ထွက် လာကြောင်း သိရပါသည်။ ၎င်းအခြေအနေများနှင့် ပတ်သတ်၍ Nghi က အဖွဲ့အစည်း ပြန်လည် ဖွဲ့စည်းမှု၊ အခြေခံအဆောက်အအုံ ဖွံ့ဖြိုးတိုးတက်မှုနှင့် လူသားအရင်းအမြစ်မြှင့်တင်မှုစသည့် ဗျူဟာကျသောအချက်များကို အာဆီယံအဖွဲ့ဝင်အနေဖြင့် ဗီယက်နမ်၏ အားထုတ်မှုများကို အသားပေးပြောကြားခဲ့ကြောင်း သိရပါသည်။
Vietnam Plus
DOCA(ရန်ကုန်)