မြန်မာလူမျိုးတို့အတွက် ထမင်းမြိန်စေပြီး ကျန်းမာရေးအတွက် အထောက်အကူပြုသည့် မိုးဦးကျကာလများတွင်ပေါ်သည့် မျှစ်ကို သရက်မြို့ပတ်ဝန်းကျင် ကျေးရွာများရှိ ချောင်းကြို မြောင်းကြား၊ လျှိုကြားများတွင် ပေါက်ရောက်လျက်ရှိသည့်ဝါးရုံတောမှထွက်ရှိသော မျှစ်ကို မျှစ်ပြုတ်၊ မျှစ်ဆပ်၊ မျှစ်ချဉ်ဟူ၍ အမျိုးမျိုးပြုလုပ်၍ ရောင်းဝယ်ဖောက်ကားစားသုံးလျက် ရှိကြပါသည်။
မိုးဦးကာလ မေ-ဇွန်လများတွင် ပေါများစွာတွေ့ရသည့် မျှစ်အမျိုးမျိုးကို သရက်မြို့နယ် ပတ်ဝန်းကျင်ကျေးရွာများမှ သရက်မြို့မဈေး၊ ဗိုလ်ချုပ်ဈေးနှင့် အနောက်အခွံလွတ်ဈေးများသို့ မိုးရာသီရာသီစာသီးနှံဖြစ်သော မျှစ်ပြုတ်၊ မျှစ်ဆပ်များလာရောက်ရောင်းချလျှက်ရှိရာပေါ်ဦး ပေါ်စတွင် မျှစ်ပြုတ်တစ်ပိဿာ (၄၀၀ဝိ/-)၊ မျှစ်ဆပ်တစ်ပိဿာ (၃၂၀ဝိ/-)အထိ ဈေးကောင်းရရှိ ခဲ့ပြီး ယခုလက်တလော ဈေးနှုန်းများမှာ မျှစ်ပြုတ်တစ်ပိဿာ (၂၅၀ဝိ/-)၊ မျှစ်ဆပ် တစ်ပိဿာ လျှင်(၂၂၀ဝိ/-)ဖြင့် ရောင်းချရသည့်အတွက် ကျေးလက်နေပြည်သူများ ဝင်ငွေရပြီး စားဝတ်နေရေး ပြေလည်လျှက်ရှိကြောင်း သိရှိရပါသည်။
DOCA(မကွေး)