ပဲခူးတိုင်းဒေသကြီး ၊ သာယာဝတီ ခရိုင်တွင် နွေစပါးများကို ( ၇၆၁၈၈) ဧကစိုက်ပျိုးရန် လျာထားခဲ့သော်လည်း စိုက်ဧကထက် ကျော်လွန်၍ (၈၀၆၉၆) ဧက စိုက်ပျိုးနိုင်ခဲ့ပါသည်။ ယခုအခါ နွေစပါး ရိတ်သိမ်းပြီးစီးမှု (၅၅၆၂၉) ဧက ကျော်ခန့် ရိတ်သိမ်းမှု ပြီးစီးကြောင်း ခရိုင်စိုက်ပျိုးရေး ဦးစီးဌာနမှ စာရင်းများအရ သိရှိရပါသည်။ ခရိုင်ချုပ် ပျှမ်းမျှ အထွက်နှုန်း (ကွက်ကောက်) စာရင်းအရ တစ်ဧကလျှင် ၈၀ တင်းနှုန်းခန့် ထွက်ရှိကြောင်း သိရှိရပြီး အုတ်ဖိုမြို့နယ်ရှိ နွေစပါးစိုက်ဧက (၇၀၄၃) ဧက အားလုံး ရိတ်သိမ်းပြီးစီးသော်လည်း အခြားမြို့နယ်များမှာ ရိတ်သိမ်းနေဆဲရှိကြောင်း သိရှိရပါသည်။ ကြို့ပင်ကောက်မြို့နယ် နွေစပါး စိုက်ဧက (၁၆၈၁) ဧကသည် မတ်ပဲ စိုက်လယ်မြေများ ရိတ်သိမ်းပြီးချိန် မှစတင်၍ စိုက်ပျိုးရခြင်း ဖြစ်သဖြင့် ရိတ်သိမ်းခြင်း မရှိသေးကြောင်း သိရှိရပါသည်။
DOCA(ပဲခူး)