စိုက်ပျိုးမွေးမြူရေး ကုန်ထုတ်လုပ်မှုသင်တန်း ကြို့ပင်ကောက်မြို့နယ် ကျေးရွာအုပ်စု (၃) စုမှ ကျေးရွာ (၃) ရွာသို့ ဌာနပေါင်းစုံ ဟောပြောပွဲ

          ပဲခူးတိုင်းဒေသကြီး၊ စားသုံးသူရေးရာဦးစီးဌာနမှ သာယာဝတီခရိုင် ကြို့ပင်ကောက်မြို့နယ်တွင် (၆.၆.၂၀၂၂) နေ့နှင့် ၁၆.၆.၂၀၂၂ နေ့များ၌ ကျေးရွာအုပ်စု ၃ အုပ်စုမှ ကျေးရွာ ၃ ရွာရှိ ဘုန်းတော်ကြီးကျောင်းများတွင် စိုက်ပျိုးမွေးမြူရေး ကုန်ထုတ်လုပ်မှု သင်တန်းအား မြို့နယ်အုပ်ချုပ်ရေးမှူး ဦးဆောင်၍ ဌာနပေါင်းစုံ (၈) ဌာန ပူးပေါင်း၍ တောင်သူ (၁၁၀) ဦးအား ဒုဦးစီးမှူး ဒေါ်အေးအေးမွန်နှင့် ဝန်ထမ်းတစ်ဦးက စားသုံးသူကာကွယ်ရေး အသိပညာပေး ဟောပြောခဲ့ပါသည်။

          တက်ရောက်လာသော တောင်သူများအား စားသုံးသူရေးရာဦးစီးဌာနမှ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ သမိုင်းကြောင်း ၊ စားသုံးသူရေးရာဦးစီးဌာန ဖြစ်ပေါ်လာပုံ ၊ ဌာန၏ မျှော်မှန်းချက် ၊ ရည်မှန်းချက်များအကြောင်း ၊ စားသုံးသူကာကွယ်ရေးဉပဒေပါ အကြောင်း အရာများအား ရှင်းလင်းဆွေးနွေးခဲ့ပါသည်။ စားသုံးသူပြည်သူများ ဝယ်ယူသုံးစွဲသော ကုန်ပစ္စည်းတိုင်းတွင် ကုန်အညွှန်းအမှတ်အသားများ ပြည့်စုံစွာပါရှိရမည့် အချက်များအား နမူနာပစ္စည်းများနှင့် အတူ ရှင်းလင်း၍ ပြသပေးခဲ့ပြီး လိုက်နာမှုမရှိသည့် လုပ်ငန်းရှင်များအားလည်း အရေးယူမှု အပိုင်းများကို ထည့်သွင်းပြောကြားခဲ့ပါသည်။

          စားသုံးသူအခွင့်အရေးများ နစ်နာမှုရှိလျှင် ( Consumer  Information and Complaint Center) များနှင့် Consumer Call Center သို့လည်းကောင်း   တိုင်ကြားနိုင်ပါကြောင်းနှင့် ၎င်းအပြင် စားသုံးသူရေးရာဦးစီးဌာန၏ Website ဖြစ်သော  www.doca.gov.mm ထဲသို့ ဝင်ရောက် တိုင်ကြားနိုင်ပါကြောင်း ပြောကြားခဲ့ပြီး စားသုံးသူအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(ပဲခူး)