ကယားပြည်နယ်တွင် ပဲ အမျိုးမျိုး စိုက်ပျိုးလျက်ရှိရာ ပဲပုပ်ကိုလည်း အဓိကထား စိုက်ပျိုးကြပါသည်။ ပဲပုပ်သည် အခြေခံလူတန်းစားများ ကြိုက်နှစ်သက်၍ ကျန်းမာရေး နှင့် ညီညွတ်ပြီး Protein ဓာတ်ကြွယ်ဝသော အစားအစာတစ်မျိုးဖြစ်ပါသည်။ ဒေသထွက်ပဲပုပ်စေ့မှ တန်းဖိုးမြှင့်ကုန် အဖြစ် ပဲပြား၊ ပဲနို့၊ ပဲပုပ်ပြားများ ထုတ်လုပ်ပြီး ဈေးကွက်အတွင်း ရောင်းချလျှက်ရှိရာ ပဲပုပ်ပြားသည် ဒေသထွက် ရိုးရာအစားအစာမျာထဲတွင် တစ်မျိုးပါဝင်ပြီး ဒေသတွင်း စားသုံးခြင်း၊ ဒေသထွက် လက်ဆောင်ပစ္စည်းအဖြစ်လည်း ရောင်းချလျက်ရှိပါသည်။ ပဲပုပ်ပြားကို လွိုင်ကော်မြို့နယ်၊ ပအိုပ့်ရွာတွင် အများဆုံးပြုလုပ်ရောင်းချလျက်ရှိကြောင်း၊ ယခု နှစ်လက်ရှိ ဈေးကွက်အတွင်း ပဲပုပ်ပြား တစ်ပိဿာလျှင် (၆၀၀၀)ကျပ် ဈေးရှိပြီး ယခင်နှစ် ပဲပုပ်ပြား တစ်ပိဿာလျှင်(၃၅၀၀)ကျပ် ဈေးခန့်သာရှိပြီး ယခင်နှင့် ယခုနှစ် နှိုင်းယှဉ်လျှင် ပဲပုပ် တစ်ပိဿာလျှင်(၂၅၀၀) ကျပ်ခန့်မြင့်တက်လာကြောင်း ဈေးနှုန်းမြင့်တက်ရခြင်းမှာ ဒေသတွင်း စိုက်ပျိုးထွက်ရှိမှု လျော့နည်းလာခြင်း၊ ကုန်ကြမ်းလက်ကျန်လျော့နည်းလာခြင်းကြောင့် ဖြစ်သည်ဟု ပဲပုပ်စိုက်ပျိုးထုတ်လုပ်ရောင်းချသူ တစ်ဦးထံမှ သိရပါသည်။
DOCA(ကယား)