မုံရွာမြို့၌ ပုပ္ပားဒေသထွက် နဂါးမောက်သီးများ ဝင်ရောက်မှု ပိုမိုများပြားနေကြောင်း၊ ထိုသို့ ဈေးကွက်၌ နဂါးမောက်သီးများလှိုင်လှိုင်ပေါများနေခြင်းမှာ နဂါးမောက်ခြံများမှ တစ်ပြိုင်တည်း အသီးများခူးဆွတ်ကြခြင်းဖြစ်ကြောင်း၊ ကျေးရွာများကို အဓိကထား၍ ရောင်းချကြခြင်းကြောင့် အရောင်းအဝယ်သွက်နေကြောင်း မုံရွာမြို့၊ နဂါးမောက်သီး ရောင်းချသူ အမျိုးသမီးတစ်ဦး၏ ပြောပြချက်အရ သိရှိရပါသည်။
မုံရွာမြို့နယ်၊အက်တောကျေးရွာတွင်နဂါးမောက်စိုက်တောင်သူနည်းပါး၍ ကျောက်ပန်းတောင်း မြို့နယ်နှင့် ပုပ္ပားဒေသတစ်ဝိုက်မှ ထွက်ရှိတဲ့ နဂါးမောက်သီးများကို အဓိကထား ရောင်းချကြ ကြောင်း၊ ဈေးကွက်တွင် နဂါးမောက်သီး အရွယ် အစားပေါ်မူတည်၍ တစ်လုံးလျှင် အနိမ့်ဆုံးဈေး (၂၀၀)ကျပ်မှ အမြင့်ဆုံးဈေး (၅၀၀)ကျပ် ဝန်းကျင်ရောင်းချရကြောင်း ၊တစ်နေ့လျှင် နဂါးမောက်သီး (၁၀၀)လုံးပါ ခြင်းတောင်း (၁၅)ခြင်းမှ (၂၀)ခြင်း အထိ မုံရွာမြို့သို့ ဝင်ရောက်လျှက်ရှိကြောင်း၊ နဂါးမောက်သီးကို မုံရွာ၊ ချောင်းဦး၊ ဘုတလင်၊ အရာတော်၊ ယင်းမာပင် စသည့်မြို့နယ်များမှ ဝယ်ယူ လျှက်ရှိကြောင်း သတင်းရရှိပါသည်။
DOCA(စစ်ကိုင်း)