စားသုံးသူရေးရာဦးစီးဌာနသည် စားသုံးသူပြည်သူများ ဘေးအန္တရာယ် ကင်းရှင်းစေရေး၊ ကုန်စည်များ တွင် ထည့်သွင်းရမည့် သတင်းအချက်အလက်များ မြန်မာဘာသာဖြင့် ပြည့်စုံစွာ ဖော်ပြခြင်းဖြင့် စားသုံးသူ များ စိတ်ကြိုက်ရွေးချယ် ဝယ်ယူခွင့် ရရှိစေရန် ရည်ရွယ်၍ ကုန်စည် အုပ်စု အမျိုးအစားအလိုက် သတ်မှတ်၍ စီမံချက်များ ရေးဆွဲပြီး ဈေးကွက်စောင့်ကြည့် စစ်ဆေး မှုများ ဆောင်ရွက်လျှက်ရှိရာ ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် ဧပြီလ (၁၀)ရက်နေ့၊ နေ့လည်(၁၄:၀၀)နာရီအချိန်တွင် စားသုံးသူရေးရာဦးစီးဌာန၊ ခရမ်းမြို့နယ် တာဝန်ခံနှင့်ဝန်ထမ်းများသည် အမှတ်(၂၁)ရပ်ကွက်၊ မင်းလမ်းရှိ CELE Mart စတိုးဆိုင်ရှိ စည်သွပ်အစားအစာ အမျိုးမျိုးအား ဈေးကွက်စောင့်ကြည့် စစ်ဆေးခဲ့ကြောင်း သိရသည်။
ထိုသို့ ဈေးကွက်စောင့်ကြည့် စစ်ဆေးခဲ့ရာတွင် စည်သွပ်အစားအစာ အမျိုးမျိုးတွင် မြန်မာဘာသာဖြင့် ထည့်သွင်းဖော်ပြရမည့် ကုန်စည်၏ အမျိုးအမည်၊ အသားတင်ပမာဏ၊ သုံးစွဲပုံနည်းလမ်း၊ ထားသိုသိမ်း ဆည်းမှုအညွှန်း၊ ဓာတ်မတည့်ကြောင်း ဖော်ပြချက်များ ပြည့်စုံ စွာ ပါဝင်မှုရှိ/မရှိ၊ နောက်ဆုံးသုံးစွဲရမည့် ရက်စွဲကျော်လွန်မှု မရှိစေရေးတို့ကို ဈေးကွက် စောင့်ကြည့် စစ်ဆေးခဲ့ရာ ဆိုင်တွင် ရောင်းချလျက်ရှိသော ကုန်စည် များတွင် ကုန်အညွှန်းအမှတ်အသားများ ပြည့်စုံစွာပါဝင်ပြီး သက်တမ်းကျော်လွန်ခြင်းမရှိကြောင်း စစ်ဆေးတွေ့ရှိရပြီး ဈေးဆိုင်ပိုင်ရှင် အား စားသုံးသူများ စိတ်ကြိုက်ဝယ်ယူ သုံးစွဲနိုင်စေရန်အတွက် စားသုံးသူ ကာကွယ်ရေး ဥပဒေ တွင် ပုဒ်မ (၄၃)တွင် မည်သည့်စီးပွားရေး လုပ်ငန်းရှင်မဆို ပုဒ်မ (၄၁)၊ ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြား ဘာသာတစ်ခု (သို့မဟုတ်)တစ်ခုထက်ပို၍ တွဲလျှက်ဖြစ်စေ ရေးသားဖော်ပြရမည့်ဟု ပြဌာန်း ထားခြင်းကြောင်း ကုန်အညွှန်း အမှတ်အသားနှင့် ပြည့်စုံမှုမရှိသော ကုန်စည်များအား ဖြန့်ဖြူး ရောင်းချပါက စားသုံးသူကာကွယ်ရေးဥပဒေ ပုဒ်မ (၆၇)နှင့် (၆၈) တားမြစ်ချက်များကို ဖောက်ဖျက် ရာကျ၍ ဥပဒေ ပုဒ်မ (၇၃)အရ အရေးယူနိုင်ကြောင်း အသိပညာပေးခဲ့ကြောင်း သိရသည်။
DOCA(ရန်ကုန်)