အိမ်ရှင်မများအတွက် မရှိမဖြစ်စားဖိုဆောင် သီးနှံတစ်မျိုးဖြစ်သည့် ကြက်သွန်နီ မှာဈေးငြိမ်လျှက်ရှိပါသည်။ဇူလိုင်ပထမပတ်တွင် ပခုက္ကူကုန်ဝယ်ဒိုင်သို့ အနယ်နယ်အရပ်ရပ်မှ ကြက်သွန်နီများ ဝင်ရောက်လျှက်ရှိပြီး ဈေးနှုန်းအနေဖြင့် ဒိုင်ဖြတ်လက်ကားဈေးမှာ ထိပ်စ တစ်ပိဿာလျှင် ၁၃၅၀ ကျပ်မှ ၁၅၅၀ ကျပ်၊ အလတ်စ တစ်ပိဿာလျှင် ၁၀၀၀ မှ ၁၂၀၀ကျပ်၊ အနိမ့်စ တစ်ပိဿာလျှင် ၉၀၀ ကျပ်ဈေးဖြင့် အရောင်းအဝယ်ဖြစ်ခဲ့ပြီး အဝင်ကုန်ချိန်အနေဖြင့် တစ်နေ့လျှင် ကုန်ချိန်(၁၅၀၀၀ မှ ၄၅၀၀၀) ထိ အရောင်းအဝယ်ဖြစ်နေကြောင်း ကုန်သည်များထံမှ သိရှိရပါသည်။
အလားတူ ဆိပ်ဖြူကုန်စည်ဒိုင်သို့လည်း ယောချောင်းတစ်လျှောက် ကျေးရွာများမှ ကြက်သွန်နီများ ဈေးကွက်အတွင်း ဝင်ရောက်လျှက်ရှိရာ ဆိပ်ဖြူကုန်စည်ဒိုင်၏ ဒိုင်ဖြတ်လက်ကားဈေးမှာ ထိပ်စတစ်ပိဿာ လျှင်(၁၃၀၀) ကျပ်၊ အလတ်စ တစ်ပိဿာလျှင် (၁၀၀၀) ကျပ်၊ အနိမ့်စ တစ်ပိဿာလျှင် (၈၅၀) ကျပ်ဖြစ်ပြီး ကုန်အဝင် ပိဿာချိန်မှာ နေ့စဉ်ပိဿာချိန် (၁၀၀၀၀) မှ (၂၀၀၀၀) ထိ အရောင်းအဝယ်ဖြစ်နေပါသည်။ တင်ပို့မှုအနေဖြင့် မြန်မာပြည်အောက်ပိုင်း၊ မြဝတီမြို့များသို့ တင်ပို့လျှက်ရှိကြောင်း ကုန်သည်ပွဲစားများထံမှ သိရှိရပါသည်။
DOCA(မကွေး)