ဧရာဝတီတိုင်းဒေသကြီး၊ဖျာပုံခရိုင်၊ စားသုံးသူရေးရာဦးစီးဌာန၊မြို့နယ်စစ်ဆေးရေးမှူးနှင့် စည်ပင်သာယာရေးအဖွဲ့ဝန်ထမ်းများနှင့်အတူ ဇူလိုင်လ(၁၁)ရက်နေ့က ဖျာပုံမြို့ဈေးကွက်အတွင်း GANOအမှတ်တံဆိပ်ဖြင့် အမည်တူတရားမဝင်ထုတ်ကုန်များ ရောင်းချခြင်းရှိ/မရှိ ကွင်းဆင်းစစ်ဆေးခဲ့ ကြပါသည်။
ဈေးကွက်အတွင်းစစ်ဆေးရာတွင် အရောင်းဆိုင်များက GANO အမှတ်တံဆိပ်သည် ဈေးနှုန်းကြီးမြင့်သဖြင့် ရောင်းချခြင်းမရှိကြောင်း သိရသဖြင့် လုပ်ငန်းရှင်များအား MLM Gano Trading Com Pang သည် မလေးရှားနိုင်ငံ Gano Excel Industries SDN,BHDမှ အစားအသောက်လူသုံးကုန်၊ဖြည့် စွက်ဓာတ်စာများကို တစ်ဦးတည်းပိုင်ကိုယ်စားလှယ်အဖြစ် မှတ်ပုံတင်ပြီး တရားဝင်တင်သွင်းရောင်းချလျက်ရှိပြီး သက်ဆိုင်ရာဌာနများ၏ ထောက်ခံချက်များလည်းရှိကာ ကုန်အညွှန်းအမှတ်အသား ဖော်ပြချက်များလည်း ကိုက်ညီမှုရှိပါကြောင်း၊ယခုအခါ Gano အမှတ်တံဆိပ်ဖြင့်ကော်ဖီ( 3in1) ၊ သွားတိုက်ဆေးနှင့် ဖြည့်စွက်အစားအစာများကို အမည်တူတရားမဝင်တင်သွင်းရောင်းချလျက်ရှိနေသည့် အတွက်ဈေးကွက်အတွင်းရောင်းချမှုရှိ/မရှိ စစ်ဆေးရခြင်းဖြစ်ကြောင်းနှင့် တွေ့ရှိပါကဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း လုပ်ငန်းရှင်များအားရှင်းလင်းဆွေးနွေးခဲ့ကြောင်း သိရသည်။
DOCA(ဧရာဝတီ)