“မိတ္ထီလာဈေးကွက်တွင် ကြက်သွန်နီဈေးငြိမ်နေပြီး နယ်ဝေးတင်ပို့မှု ပုံမှန်ထက်အနည်းငယ်ပို”

           မိတ္ထီလာဈေးကွက်တွင် ယခုတစ်ပတ် ကြက်သွန်နီဈေးငြိမ်နေပြီး ရန်ကုန်၊ ပဲခူးနှင့် မော်လမြိုင်မြို့များသို့ ပုံမှန်ထက် အနည်းငယ် ပိုမိုတင်ပို့ခဲ့ကြောင်းသိရသည်။ မိတ္ထီလာမှ ရန်ကုန်သို့ တစ်ရက်လျင်ကုန်ချိန်(၁၇)တန်ဆံ့ (၁၂)ဘီးကား တစ်စီးဝန်းကျင်၊ ပဲခူးသို့ ကုန်ချိန် (၉)တန်ဆံ့ (၆)ဘီးကား နှစ်စီးခန့်နှင့် မော်လမြိုင်သို့ တစ်ပတ်အတွင်း (၁၂)ဘီးကား နှစ်စီး တင်ပို့ခဲ့သည်။ မလှိုင်မှ တစ်ပတ်အတွင်း ရန်ကုန်သို့ (၁၂)ဘီးကား (၂)စီး နှင့် မော်လမြိင်သို့ (၁၂)ဘီးကား (၃)စီးတင်ပို့ခဲ့သည်။ ကုန်တင်ခနှုန်းထားအနေနှင့် တစ်ပိဿာလျှင် ရန်ကုန်သို့ ၁၀၀ ကျပ်၊ ပဲခူးသို့ ၉၀ ကျပ်နှင့် မော်လမြိုင်သို့ ၁၃၀ ကျပ်ရှိပြီး ကြက်သွန်နီလက္ကားဈေးမှာ တစ်ပိဿာလျှင် ၁၂၀၀ ကျပ်၊ ၁၃၀၀ ကျပ်တို့ဖြင့် ဈေးငြိမ်နေကြောင်း သိရသည်။

DOCA(မန္တလေး)