ကယားပြည်နယ်တွင်ပြောင်းသီးနှံအဓိကထွက်ရှိပြီး ပြည်နယ်၏ အဓိကပို့ကုန်တစ်မျိုးလည်း ဖြစ်ပါသည်။ ပြည်နယ်မှထွက်ရှိသော ပြောင်းကို မြဝတီသို့တင်ပို့လျက်ရှိကြောင်း၊ ပြောင်းကို လွိုင်ကော်မြို့နယ်၊ ဒီးမော့ဆိုမြို့နယ်၊ ဖရူဆိုမြို့နယ်များတွင် စိုက်ပျိုးကြပြီး ၂၀၂၀-၂၀၂၁ ခုနှစ် ပြောင်းစိုက်ဧကမှာ (၅)သောင်းကျော်ခန့်သာစိုက်ပျိုးနိုင်ခဲ့ပြီး အချို့ဒေသများတွင် ရိတ်သိမ်းနိုင်မှုမရှိ၍ စိုက်ဧကနှင့်အထွက်နှုန်းလျော့နည်းခဲ့ရပြီး ပြည်နယ်မှပြောင်းတင်ပို့နိုင်မှုမှာ ဇန်နဝါရီလမှမေလအထိ ပြောင်း(၅၆၇၉၅)အိတ်၊ (၂၇၈၂)တန် တင်ပို့မှုရှိခဲ့ပြီး ဇွန်လပိုင်းမှစ၍ ပြောင်းတင်ပို့မှုမရှိဘဲ အရောင်း အဝယ်အေးလျက်ရှိကြောင်း၊ လက်ရှိဇူလိုင်လအတွင်း ပြောင်းဈေးကွက်မှာ ပြောင်းတစ်ပိဿာ လျှင် (၇၀၀)ကျပ်ဈေးခန့်ရှိကြောင်း၊ ယခင်လများတွင် ပြောင်းတစ်ပိဿာလျှင်(၉၀၀) ကျပ်ဈေးရှိခဲ့ပြီး ယခင် လများနှင့် ယခုလနှိုင်းယှဉ်လျှင် ပြောင်းတစ်ပိဿာလျှင်(၂၀၀)ကျပ် ဈေးနှုန်းကျဆင်းလာကြောင်း တောင်သူ၊ ကုန်သည်လက်ကျန်မှာလည်း အနည်းငယ်သာရှိပြီး အရောင်းအဝယ်အေးလျက်ရှိကြောင်း ပြောင်းကုန်သည်တစ်ဦးထံမှ သိရပါသည်။
DOCA(ကယား)