သရက်မြို့နယ် ပတ်ဝန်းကျင်ကျေးရွာများမှ ထွက်ရှိသည့် ပဲမျိုးစုံအနက် ပဲတီစိမ်းနှင့် ပဲကြီး သီးနှံများသည် နေ့စဉ်ဈေးကွက်အတွင်းသို့ ဝင်ရောက်လျက်ရှိရာ ဇူလိုင်လ ဒုတိယပတ်တွင် ပဲတီစိမ်းများ လှိုင်လှိုင်ထွက်ပေါ်လျက်ရှိပြီး တစ်တင်းလျှင် (၄၆၀၀၀) ကျပ်ဖြင့် အရောင်းအဝယ်ဖြစ်လျက် ရှိကြောင်း သိရှိရပါသည်။
ပဲကြီးဈေးနှုန်းမှာ ဇူလိုင်လ ပထမပတ်တွင် တစ်တင်းလျှင် (၆၅၀၀၀)ဖြင့် အရောင်းအဝယ် ဖြစ်ပြီး ဒုတိယပတ်တွင် ပဲကြီး တစ်တင်းလျှင် (၆၇၀၀၀) နှုန်းဖြင့် (၂၀၀၀)ကျပ် ဈေးမြင့်ကာ အောင်လံမြို့ရှိ ဝယ်လက်သမားများမှ ဝယ်ယူလျက်ရှိပြီး နေ့စဉ်တစ်နေ့လျှင် အိတ်ရေ(၄၀၀-၄၅၀)ခန့် အရောင်းအဝယ် ဖြစ်လျက်ရှိကြောင်း သိရှိရပါသည်။
DOCA(မကွေး)