ပဲခူးတိုင်းဒေသကြီး၊ ပြည်ခရိုင်အတွင်းရှိ ပေါင်းတည်မြို့နယ်တွင် ယခုအချိန်၌ ဖူးစားပြောင်းများ လှိုင်လှိုင်ထွက်ပေါ်လာပြီဖြစ်ပါသည်။ ဖူးစားပြောင်းများကို ပေါင်းတည်မြို့ရှိ ကျွဲတဲကြီးရွာ၊ ပေါက်တန်း(ဝဲကြီးရွာ)၊ ဘိုးသာအောင်ကုန်းရွာ၊ အရှေ့ညောင်တုန်းရွာတို့တွင် စတင်ထွက် ပေါ်နေပြီ ဖြစ်ပါသည်။ ထွက်ရှိလာသော ပြောင်းဖူးများကို ပေါင်းတည်မြို့အဝင် ရန်ကုန်-ပြည်လမ်းရှိ လမ်းဘေး ဝဲယာများတွင် ပြောင်းဖူးများကို ဖုတ်၍သော်လည်းကောင်း၊ ပြုတ်၍ သော်လည်းကောင်း၊ ပြောင်းဖူးစေ့ကြော်များ ပြုလုပ်၍သော်လည်းကောင်း ရောင်းချကြောင်း သိရှိရပါသည်။ ပြောင်းဖူးများကို ဖောက်သည်ဈေးအနေဖြင့် တစ်ဖူးလျှင် ၁၉၀-၂၀၀ ကျပ်အထိ ရောင်းချပြီး တစ်ဆင့်ခံအသည်များက တစ်ဖူးလျှင် ၂၅၀ကျပ်နှုန်းဖြင့် ပြန်လည်ရောင်းချကြောင်းသိရပါသည်။ ပေါင်းတည်မြို့မှ ထွက်ရှိသော ပြောင်းဖူးများကို နယ်မြို့များနှင့် ရန်ကုန်မြို့သို့ တင်ပို့ရောင်းချကြောင်း သိရှိရပါသည်။
DOCA(ပဲခူး)