ပဲခူးတိုင်းဒေသကြီး၊စားသုံးသူရေးရာဦးစီးဌာန၊ ပြည်ခရိုင် ၊ ပေါင်းတည်မြို့နယ်မှ ဝန်ထမ်းများသည် (၁၃.၇.၂၀၂၂)ရက်နေ့ နေ့လယ် (၁၃:၃၀) အချိန်တွင် ပေါင်းတည်မြို့နယ်အတွင်းရှိ ဗိုလ်ကုန်းကျေးရွာရှိ ရုံပတီသီးစိုက်ပျိုးသောတောင်သူနှင့် တွေ့ဆုံ၍ ရုံးပတီသီးစိုက်ပျိုးထုတ်လုပ်မှု၊ တင်ပို့မှုနှင့် ဈေးနှုန်းဈေးကွက် အခြေအနေတို့အား မေးမြန်းခဲ့ပါသည်။
ပေါင်းတည်မြို့နယ်၊ ဗိုလ်ကုန်းကျေးရွာရှိ ရုံးပတီသီးစိုက်ပျိုးသူမှ ရုံးပတီသီးကို မေလ (သို့မဟုတ်) ဇွန်လဆန်းတို့တွင် စတင်စိုက်ပျိုးပါသည်။ ရုံးပတီသီးစိုက်ပျိုးရာတွင် တစ်ဧကလျှင် အစေ့(၁၀၀၀)ခန့် စိုက်ပျိုးနိုင်ပြီး အစေ့များကို ဆွထားသည့် မြေကြီးတွင် တင်ရုံသာထား၍ စိုက်ပျိုးကြောင်းသိရပါသည်။ ရုံးပတီသီး တစ်ဧကစိုက်ပျိုးထုတ်လုပ်ကုန်ကျစရိတ်မှ ကျပ် (၃)သိန်း ခန့်ကုန်ကျပြီး စတင်စိုက်ပျိုးချိန်မှစ၍ အသီးများခူးဆွတ်ချိန်အထိ (၂)လခွဲခန့်ကြာမြင့်သည်ဟု သိရပါသည်။ အသီးသီးလျှင် ပျမ်းမျှအားဖြင့် တစ်ပင်လျှင် အသီးတောင့် (၂၀)ခန့်ထွက် ရှိသည်ဟု သိရပါသည်။ ရုံးပတီသီးစိုက်ပျိုးလျှင် တစ်ဧကဝင်ငွေမှာ (၄)သိန်းခွဲခန့်ရရှိပြီး အသားတင် အကျိုး အမြတ်အနေဖြင့် (၁)သိန်းခွဲခန့်ရရှိသည်ဟုသိရပါသည်။ ရုံးပတီခင်းမှထွက်ရှိသော အသီးများကို ဝက်ပုတ် ကုန်စည်ဒိုင်သို့ သွားရောက်ရောင်းချသလို ထိုမှတစ်ဆင့် ရန်ကုန်မြို့ရှိ ဟင်းသီးဟင်းရွက်ဈေးများသို့ တင်ပို့ရောင်းချကြောင်း သိရပါသည်။
DOCA(ပဲခူး)