ပြည်ဈေးကွက်တွင် ဇူလိုင်လဒုတိယပတ်တွင် ဒေသတွင်းဆီစက်သမားများက ဆီကြိတ်ရန် အဝယ်ရှိသဖြင့် နှမ်းသီးနှံသည် နေ့စဉ်အရောင်းအဝယ်မဖြစ်ဘဲ ရက်ခြားသာ အရောင်း အဝယ်ဖြစ် လျှက်ရှိပါသည်။ မိုးကြိုနှမ်းများလည်း နောက်လတွင် ထွက်ပေါ်နိုင်ပြီး ယခုအချိန်တွင် ဈေးကွက်သို့ နှမ်းများဝင်ရောက်မှုမရှိပေမယ့် လှောင်နှမ်းများဖြင့်သာ ရက်ခြား အရောင်းအဝယ်ဖြစ်သည်ဟု သိရှိရပါသည်။ နှမ်းဈေးနှုန်းအနေဖြင့် နှမ်းနီ(၃)တင်းတစ်အိတ်လျှင် ၁၆၀၀၀၀ကျပ်၊ နှမ်းနက်မှာ (၃)တင်းတစ်အိတ်လျှင် ၁၈၀၀၀၀ကျပ်နှင့် စမုံနက်နှမ်းမှာလည်း (၃)တင်းတစ်အိတ်လျှင် ၂၁၀၀၀၀ ကျပ်ဖြင့် ဇွန်လနောက်ဆုံးပတ်ကအတိုင်း ဈေးငြိမ်နေပြီး တခါတရံအရောင်းအဝယ်ဖြစ်လျှင် အိတ် ၂၀၀/၃၀၀ခန့် အရောင်းအဝယ်ဖြစ်လျှက်ရှိပါသည်။ နှမ်းဆီ တစ်ပိဿာလျှင် ၈၀၀၀ - ၈၅၀၀ ကျပ်ဖြင့် ဒေသတွင်းအရောင်းအဝယ်ဖြစ်လျှက် ရှိပါသည်။
ပြည်ဒေသတွင်းထွက်ရှိသည့် မန်ကျည်းမှည့်လက်ကျန်သည် ပွဲရုံလှောင်သမားများလက်ဝယ်၌ ရှိသောကြောင့် အခြားနယ်ဖြစ်ကြသော ကျောက်ပန်းတောင်းမှ ဝင်ရောက်လာသော မန်ကျည်း မှည့်ဈေးမှာ အမြင့်ဈေးဖြစ်နေသောကြောင့် ဒေသထွက်လက်ကျန်မန်ကျည်းမှည့်ဈေး အနည်းငယ် မြင့်နေပါသည်။ အရောင်းအဝယ်အနေဖြင့် အေးနေပြီး လှောင်လက်များလက်ဝယ် ဈေးမြင့်တက်နေ ပါသည်။ ယခုတစ်ပတ်မန်ကျည်းမှည့်တစ်ပိဿာ (အသား)(ပွဲရုံဈေး) ၃၇၀၀ကျပ်ဈေးတို့ဖြစ်ပြီး ဒေသတွင်းလက်လီတစ်ပိဿာအသားဈေးမှာ ၄၃၀၀ကျပ် တို့ဖြင့် ရောင်းချလျှက်ရှိပါသည်။
DOCA(ပဲခူး)