သနပ်ပင်မြို့နယ်တွင် ၂၀၂၂-၂၀၂၃ခုနှစ် မိုးစပါးများအား တောင်သူဦးကြီးများမှ ဈေးကောင်းမျှော်ပြီး စိုက်ပျိုးနေကြပြီဖြစ်ကြောင်း သိရှိရပါသည်။ ယခုနှစ်မိုးစပါးများ စိုက်ပျိုးကြရာတွင် မနောသုခ (၃၅၄၂၁)ဧက၊ ဆင်းသုခ (၃၄၃၃၀)ဧက၊ ရွှေဝါထွန်း(၃၆၀၁၀)ဧက၊ ကောက်ညှင်း(၉၀)ဧက ၊ ဇီယာ(၉၇၁၄)ဧက၊ မီးဒုံး(၅၉၈၂)ဧက၊ ပျော့ထွန်း(၂၈၀၇၇)ဧက စုစုပေါင်း(၁၄၉၆၂၄)ဧက စိုက်ပျိုးသွားမည်ဖြစ်ပြီး ယခုနှစ်စိုက်ပျိုးပြီးစီးမှု (၇၀)ရာခိုင်နှုန်း စိုက်ပျိုးထားပြီးပြီဖြစ်ကြောင်း မြို့နယ်စိုက်ပျိုးရေးဦးစီးဌာနမှ ပြောကြားချက်အရ သိရှိရပါသည်။ ယခုနှစ် စပါးစိုက်ရာသီ စောသဖြင့် ကောက်စောစပါးများ စောစောပေါ်မည်ဖြစ်ပြီး စပါးဦးပေါ်ချိန်တွင် အစို (၁၄) ရာခိုင်နှုန်း (၄၆) ပေါင်တင်း (၁၀၀)ကျပ် ၆၅၀၀၀ မှ ကျပ် ၇၀၀၀၀ ခန့် ဈေးတန်းရှိမည်ဟု ခန့်မှန်းနေကြကြောင်း ဆန်စက်ပိုင်ရှင်ကြီးများနှင့် ဆန်/စပါး ကုန်သည်များ ပြောဆိုချက်အရ သိရှိရပါသည်။
DOCA(ပဲခူး)