![](http://www.doca.gov.mm/sites/default/files/styles/consumer_inner_image__847x424_/public/aya 25-5.jpg?itok=72bTGQJB)
စားသုံးသူရေးရာဦးစီးဌာန၊ မြောင်းမြခရိုင်၊ ဝါးခယ်မ မြို့နယ်တာဝန်ခံ ဦးအောင်မိုးသည် (၁၅.၇.၂၀၂၂)ရက်နေ့ နံနက် (၁၀;၀၀)နာရီအချိန်က ဝါးခယ်မမြို့နယ် ရေလိန်ကျေးရွာ အခြေခံ ပညာမူလတန်းကျောင်းတွင် စားသုံးသူကာကွယ်ရေး အသိပညာပေးဟောပြောခြင်းနှင့် ကျောင်းမုန့် ဈေးတန်းအား စိစစ်ခြင်းလုပ်ငန်းဆောင်ရွက်ခဲ့ပါသည်။
ထိုသို့ဟောပြောဆွေးနွေးရာတွင် ဟောပြောဆွေးနွေးရာတွင် စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များရှင်းလင်းပြောကြားပြီး စားသုံးသူ၏အခွင့်အရေးနှှင့်တာဝန်များ၊ လုပ်ငန်းရှင်၏တာဝန်များဦးစွာရှင်းလင်းပြောကြားပြီး၊ ကျောင်းသား/သူများသိရှိနားလည်စေရန် စားသုံးရန်မသင့်သောအစားအသောက်များအကြောင်း ဆိုးဆေးပါဝင်သောအစားအသောက်များ ရှောင်ကျဉ်စားသုံးကြရန် အသေးစိတ်ရှင်းလင်းဟောပြောခဲ့ပါသည်။ ထို့နောက်စားသုံးသူကာကွယ် ရေးဥပဒေ ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ပုဒ်မ(၄၁) ပုဒ်မခွဲ(ခ)နှင့်(ဂ)တို့ပါ ထုတ်လုပ်သည့်ရက်စွဲနှင့် သက်တမ်းကုန်ဆုံးသည့် ရက်စွဲများ၊ ထုတ်လုပ်မှုအမှတ်စဉ်စသည်တို့ကို ကျောင်းသား/သူများ မှတ်မိလွယ်စေရန် အသေးစိတ် ဟောပြောဆွေးနွေးပြီးနောက် ကျောင်းတွင်ရောင်းချနေသော ကျောင်းမုန့်ဈေးတန်းသို့ သွားရောက် စစ်ဆေးခဲ့ပါသည်။ စားသုံးသူကာကွယ်ရေး အသိပညာပေးဟောပြောပွဲသို့ ဆရာ/ဆရာမ (၇)ဦး၊ ကျောင်းသား/သူ(၈၄)ဦးတက်ရောက်ခဲ့ကြောင်းသိရှိရပါသည်။
DOCA(ဧရာဝတီ)