နေပြည်တော်ကောင်စီ ဆီကုန်သည်နှင့်ဆီလုပ်ငန်းရှင်များအသင်းက နေပြည်တော်ကောင်စီနယ်မြေအတွင်းရှိ စားသုံးသူပြည်သူများ စားသုံးဆီကိုသက်သာသည့် ဈေးနှုန်းဖြင့် ဝယ်ယူနိုင်ရန် ရည်ရွယ်၍ စားသုံးဆီတစ်ပိဿာလျှင် ငွေကျပ် ၃၉၀၀ နှုန်းထပ်မံဖြန့်ဖြူးရောင်းချလျက်ရှိပါသည်။
ယနေ့မှာတော့“ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းရဲ့ လမ်းညွှန်ချက်အရ ဆီကုန်သည်နှင့်ဆီလုပ်ငန်းရှင်များအသင်းနှင့် စားသုံးသူရေးရာဦးစီးဌာနမှ ဝန်ထမ်းများပူးပေါင်း၍ နေပြည်တော်ကောင်စီနယ်မြေ၊ ပျဉ်းမနားမြို့နယ်၊ သူဌေးကုန်းရွာ၊ နတ်သရဲကျေးရွာ၊ သစ်လေးလုံး ရွာ၊ ပုရွတ်ဆိတ်ကုန်းရွာတို့တွင် နေထိုင်ကြသော စားသုံးသူပြည်သူတွေကို လက်ဝယ်အရောက် စားသုံးဆီတစ်ပိဿာကို ငွေကျပ် ၃၉၀၀နှုန်းနဲ့ ဈေးကားတစ်စီးဖြင့် ဆီပိဿာချိန် (၆၆၀) လှည့်လည် ရောင်းချပေးခဲ့ကြောင်း” အဖွဲ့ဝင်ဦးပြည့်ဖြိုးအောင်မှလည်းကောင်း၊ တပ်ကုန်းမြို့နယ်၊ ညောင်လွန့် ကျေးရွာတွင် နေထိုင်သောစားသုံးသူပြည်သူများအတွက် တစ်ပိဿာလျှင် ၃၉၀၀ ကျပ်နှုန်းဖြင့် ပိဿာချိန် ၄၀၀ အား ရောင်းချပေးခဲ့ကြောင်း အဖွဲ့ဝင် ဒေါ်နုနုအေး (NNN ဆီရောင်းဝယ်ရေး) မှ ပြောသည်။
“ကုန်ဈေးနှုန်းများမြှင့်တတ်နေချိန်၌ ယခုလိုလက်ဝယ်အရောက်တစ်ပိဿာလျှင် ငွေကျပ် ၃၉၀၀ နှုန်းဖြင့် လာရောက်ရောင်းချသည့်အတွက် ပြည်သူများအနေဖြင့် အဆင်ပြေမှုများစွာရှိ ကြောင်း၊ သက်သာသောဈေးနှုန်း၊ လက်ဝယ်အရောက်ရရှိမှုတို့ကြောင့် ပြည်သူများအတွက် အစစအရာရာအဆင်ပြေလွယ်ကူကြောင်း၊ ကျေးရွာနေပြည်သူများအနေဖြင့် အကြောင်းအမျိုးမျိုးကြောင့် ဆီပိဿာချိန်လိုက် ဝယ်ယူစားသုံးမှုမပြုနိုင်မှုများရှိခဲ့ပြီး၊ သက်သာသောဈေးနှုန်းနှင့် မိသားစုတစ်ခုတွင် တစ်ပိဿာနှုန်း ဝယ်ယူသုံးစွဲနိုင်သည့်အတွက် အလွန်ပင်ဝမ်းသာကြောင်း၊ မကြာခဏရောင်းချပေးရန်လည်း တောင်းဆိုချင်ကြောင်း၊ အသင်းဥက္ကဌနှင့် ရောင်းချပေးသည့် အဖွဲ့ဝင်ကိုလည်းကောင်း၊ ကူညီဆောင်ရွက်ပေးသည့် စားသုံးသူရေးရာဦးစီးဌာနမှ ဝန်ထမ်းများကိုလည်း အမှန်တကယ်ကျေးဇူးတင်ရှိကြောင်း ၊ ယခုလိုရောင်းချခြင်းသည် အခြေခံလူတန်းစားများအတွက် အဆင်ပြေမှုများစွာရှိပါတယ်” ဟု စားသုံးဆီလာရောက်ဝယ်ယူသူများထံမှ သိရှိရပါသည်။
နေပြည်တော်ကောင်စီ ဆီကုန်သည်နှင့်ဆီလုပ်ငန်းရှင်များအသင်းအနေဖြင့် နေပြည်တော်ကောင်စီနယ်မြေအတွင်းရှိ ကျေးရွာများ၊ ရပ်ကွက်များ၊ ဝန်ထမ်းအိမ်ရာများထံသို့ သက်သာသောဈေးနှုန်းဖြင့် ထပ်မံလှည့်လည်ရောင်းချရန် အကောင်အထည်ဖော်ဆောင်ရွက်လျက်ရှိပါကြောင်း သတင်းရရှိပါသည်။
DOCA(ပြည်ထောင်စုနယ်မြေ)