စားသုံးသူရေးရာဦးစီးဌာန၊ မကွေးခရိုင်ဦးစီးမှူး၏ လမ်းညွှန်မှုဖြင့် ဒု-ခရိုင်ဦးစီးမှူး ဦးမျိုးဝင်းနှင့် ဝန်ထမ်းများသည် ၂၀.၇.၂၀၂၂ နံနက် (၁၀:၀၀) နာရီတွင် မကွေးမြို့၊ အောင်မေတ္တာ(B)(၇)လမ်းရှိ ရွှေပီတိ ထောပတ်(မုန့်ကြွပ်) ထုတ်လုပ်သည့်လုပ်ငန်းနှင့် အောင်မေတ္တာ(C)၊ (၉)လမ်းရှိ ရွှေတိုက်(ကိတ်မုန့်၊ ပေါင်မုန့်)ထုတ်လုပ်သည့် လုပ်ငန်းများသို့ စားသုံးသူကာကွယ်ရေးဥပဒ ၂၀၁၉ အခန်း(၁၈)ပါ ကုန်အညွှန်အမှတ်အသား ဖော်ပြချက်များ ပြည့်စုံ မှန်ကန်စွာဖော်ပြထားမှု ရှိ/ မရှိ ဈေးကွက်မရောက်မီ စောင့်ကြည့်စစ်ဆေးခြင်းများ ဆောင်ရွက်ခဲ့ပြီး စီးပွားရေးလုပ်ငန်းရှင်၏ တာဝန်၊ တားမြစ်ချက်များနှင့် ပြစ်မှုပြစ်ဒဏ်များကို ကွင်းဆင်း အသိပညာပေး ရှင်းလင်းဆွေးနွေးခဲ့ပါသည်။
ထိုသို့ ကွင်းဆင်းရာတွင် လုပ်ငန်းရှင်များနှင့်အတူ ရွှေပီတိမုန့်လုပ်ငန်းတွင် ဝန်ထမ်း (၁၅)ဦး၊ ရွှေတိုက်မုန့်လုပ်ငန်းတွင် ဝန်ထမ်း(၇)ဦးတို့အား စားသုံးသူကာကွယ်ရေးဥပဒေ ၂၀၁၉ပါ စားသုံးသူ၏ အခွင့်အရေး(၈)ချက်နှင့် တာဝန်(၄)ချက်တို့ကိုလည်း အသိပေးရှင်းလင်းဆွေးနွေးခဲ့ပြီး မြန်မာနိုင်ငံ စားသုံးသူကာကွယ်ရေး ကော်မရှင်မှ ထုတ်ပြန်ထားသော ညွှန်ကြားချက်အမှတ်(၂/၂၀၁၉)နှင့် စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခဲ့ပါသည်။
DOCA(မကွေး)