ပုသိမ်ခရိုင်၊ ရေကြည်မြို့နယ်တာဝန်ခံသည် မြို့နယ်ပြန်/ဆက်၊ မြို့နယ် အား/ကာ အဖွဲ့ များနှင့် ပူးပေါင်း၍ ဇူလိုင်လ (၁၃)ရက် နေ့လည် (၁) နာရီအချိန်တွင် ရေကြည်မြို့နယ်၊အ.လ.က ငါးသိုင်းချောင်းကျောင်းတွင် ဆရာ၊ဆရာမ (၅)ဦး၊ ကျောင်းသား၊ကျောင်းသူ(၁၂၃)ဦးတို့အား အသိပညာပေး ဟောပြောဆွေးနွေးခဲ့ပါသည်။
ဟောပြောဆွေးနွေးပွဲတွင် စားသုံးသူရေးရာဦးစီးဌာန၏ မျှော်မှန်းချက်၊ ရည်ရွယ်ချက်များကို ရှင်းလင်းဟောပြော၍ ကျောင်းသားကျောင်းသူများနှင့် စားသုံးသူမိဘပြည်သူများ ဘေးအန္တရာယ် မဖြစ်စေရေးအတွက် ဈေးကွက်အတွင်းရောင်းချနေသော ကုန်ပစ္စည်းများတွင် ကုန်စည်အမျိုးအစား အပေါ်မူတည်၍ ကုန်အညွှန်းအမှတ်အသားပြည့်စုံစွာပါရှိရေး၊ စားသုံးသူ ကာကွယ်ရေးဥပဒေပါ စားသုံး သူများရရှိနိုင်သော အခွင့်အရေး(၈)ချက်နှင့်တာဝန်များ အစရှိသည့် စားသုံးသူအခွင့်အရေးနှင့် ပတ်သက်၍ ဆွေးနွေးခဲ့ပြီး စားသုံးသူပြည်သူများအနေနှင့် သိသင့်သိထိုက်သော ကုန်အညွှန်း အမှတ်အသားဖော်ပြထားသည့် အသိပညာပေး လက်ကမ်းစာစောင်များဖြန့်ဝေပေးခဲ့ကြောင်း သိရှိရပါ သည်။
DOCA(ဧရာဝတီ)