ပုဂ္ဂလိက ကဏ္ဍဖွံ့ဖြိုးတိုးတက်ရေးအတွက် ပြည်တွင်းကုန်ထုတ်လုပ်မှုလုပ်ငန်းများ အားပေးမြှင့်တင် ဆောင်ရွက်လျက်ရှိပြီး ပြည်တွင်းရှိ စက်မှုကုန်ထုတ်လုပ်ငန်းများ၏ လည်ပတ်နိုင်မှုအခြေအနေများကို မိတ္ထီလာမြို့ ၊ စက်မှုဇုန်ရှိ ပဲခွဲစက်လုပ်ငန်းများသို့ သက်ဆိုင်ရာဌာနများနှင့် ကွင်းဆင်း ဆောင်ရွက်ခဲ့ပါသည်။
ထိုသို့ကွင်းဆင်းဆောင်ရွက်ရာတွင် သိန်းကမ္ဘာကျော်ပဲခွဲစက်လုပ်ငန်းမှတစ်လလျှင် ကုလားပဲ ပိဿာ(၆၀၀၀၀) ခန့် ထုတ်လုပ်နိုင်ပြီး စက်ရုံအတွက်လိုအပ်သော ကုန်ကြမ်းကို ဒေသတွင်းအပြင် ကူမဲ၊ ကျောက်ဆည်၊မန္တလေးမြို့များမှဝယ်ယူရကြောင်း၊ လက်ရှိဈေးနှုန်းအနေဖြင့် ကုလားပဲခြမ်း တစ်ပိဿာ လျှင်လက္ကား( ၅၉၅၀ )ကျပ်၊လက်လီ(၆၅၀၀)ကျပ်ဈေးဖြင့် ရောင်းချလျက်ရှိကြောင်း၊ ဈေးကွက်အနေဖြင့် ဒေသတွင်းအပြင် မန္တလေး၊ တောင်ကြီးမြို့များသို့ အဓိကတင်ပို့ရောင်းချရကြောင်း သိရှိရပါသည်။
DOCA(မန္တလေး)