စားသုံးသူရေးရာဦးစီးဌာန၊ ပြည်ခရိုင်၊ ပြည်မြို့နယ်တာဝန်ခံနှင့် ဝန်ထမ်းများသည် မိတ်ဖက်ဌာနဆိုင်ရာများဖြစ်သော ပြန်ကြားရေးနှင့် ပြည်သူဆက်ဆံရေးဦးစီးဌာနနှင့် ပူးပေါင်း၍ (၁၇.၆.၂၀၂၅) နေ့လည်(၁:၀၀)နာရီအချိန်တွင် သွားရောက်ကွင်းဆင်း အသိပညာပေး ဟောပြော ခဲ့ပါသည်။
အဆိုပါဟောပြောပွဲတွင် စားသုံးသူရေးရာဦးစီးဌာန၊ ပြည်မြို့တာဝန်ခံမှ ဦးစီးဌာန၏ ရည်မှန်းချက်၊ မျှော်မှန်းချက်၊ စားသုံးသူကာကွယ်ရေးဥပဒေပါပြဌာန်းချက်များ၊ ကုန်စည်နှင့် ဝန်ဆောင်မှုများအား ရွေးခြယ်ဝယ်ယူသုံးစွဲရာတွင် သတိပြုရမည့် အချက်များ online Shop ဖြင့်ဝယ်ယူရာတွင် သိရှိလိုက်နာရမည့်အချက်များ၊ အစားအသောက်များဝယ်ယူရာတွင် မြန်မာ စာတမ်းများပါသည့် ကုန်ပစ္စည်း(မုန့်)များကိုသာ အဓိကထားပြီးဝယ်ယူကြပါရန်နှင့် စတင်ထုတ်လုပ် သည့်ရက်စွဲ၊ ကုန်ဆုံးရက်စွဲများအား သေချာကြည့်ရှုဝယ်ယူကြပါရန်နှင့် စားသုံးသူနစ်နာ ဆုံးရှုံးမှုများဖြစ်ပေါ်လာပါက တိုင်ကြားနိုင်သည့်နည်းလမ်းများအား အသိပညာပေး ဆွေးနွေးခဲ့ပြီး ဟောပြောပွဲသို့ ဆရာ၊ ဆရာမ(၅)ဦးနှင့် ကျောင်းသား၊ ကျောင်းသူ(၅၀)ဦး၊ စုစုပေါင်း (၅၅)ဦးတက်ရောက်ခဲ့ပါသည်။
DOCA(ပဲခူး)