မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် စားသုံးသူ ရေးရာဦးစီးဌာနမှ မြို့နယ်တာဝန်ခံနှင့်ဝန်ထမ်းများသည်(၁၃.၆.၂၀၂၅)ရက်နေ့၊ နေ့လည် (၁၃:၀၀) နာရီအချိန်တွင် ကျောက်ပန်းတောင်းမြို့၊ သာယာအေးရပ်ကွက်ရှိ “အေးချမ်းမြ” ပဲကြော်လုပ်ငန်းသို့ ဈေးကွက်စောင့်ကြည့်စစ်ဆေးမှုများပြုလုပ်ခဲ့ကြောင်း သိရသည်။
အဆိုပါ ဈေးကွက်စောင့်ကြည့်စစ်ဆေးရာတွင် လုပ်ငန်းရှင်အနေဖြင့် စားသုံးသူကာကွယ်ရေး ဥပဒေပါ အခန်း(၁၈) ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် ကုန်စည်၏ အမှတ်တံဆိပ်၊ အမျိုးအမည်၊ အရွယ်အစား၊ အရေအတွက်နှင့်အသားတင် ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ထုတ်လုပ်သည့်ရက်စွဲနှင့်သက်တမ်းကုန် ဆုံးသည့်ရက်စွဲ၊ ထုတ်လုပ်မှုအမှတ်စဉ်၊ ကျန်းမာရေးဘေးထွက် ဆိုးကျိုးသို့မဟုတ်ဓာတ်မတည့် ကြောင်းဖော်ပြချက်၊ ကြိုတင်သတိပေးချက်များ စသည့်ဥပဒေပါပြဌာန်းချက်များနှင့် ကိုက်ညီသော ကုန်စည်များ ရောင်းချမှုရှိ/မရှိအားစစ်ဆေးခဲ့ကြပြီး စီးပွားရေးလုပ်ငန်းရှင်များအား စားသုံးသူကာ ကွယ်ရေးဥပဒေပါ ပြဌာန်းချက်များဖြစ်သည့် စီးပွားရေးလုပ်ငန်းရှင်တာဝန်များ၊ စီးပွားရေးကျင့်ဝတ် စည်းကမ်းများနှင့်အညီ ဆောင်ရွက်စေရေး၊ မိမိရောင်းချလျက်ရှိသည့် ကုန်ပစ္စည်းနှင့်စပ်လျဉ်းပြီး အာမခံချက်၊ သတ်မှတ်ချက်များနှင့်ပြည့်စုံမှန်ကန်သော သတင်းအချက်အလက်များကို အချိန်နှင့် တပြေးညီထုတ်ပြန်စေရေး၊ သက်ဆိုင်ရာဌာနများမှ ဖော်ပြရန်သတ်မှတ်ထားသောအချက်များ ဖော်ပြရမည်ဖြစ်သလို ဖြန့်ဖြူးရောင်းချသူများမှာလည်း အဆိုပါအချက်များနှင့် ကိုက်ညီမှုရှိသော ကုန်စည်များသာ ရောင်းချရန်၊ ဥပဒေ၊ လုပ်ထုံးလုပ်နည်း၊ အမိန့်၊ ညွှန်ကြားချက်များနှင့်အညီ ရောင်းဝယ်မှုပြုလုပ်ကြရန် ဆွေးနွေးဟောပြောခဲ့သည်။
အဆိုပါ ဈေးကွက်စောင့်ကြည်စစ်ဆေးခြင်းကို နေ့လယ် (၁၄:၀၀) နာရီအချိန်တွင် ကွင်းဆင်း ဆောင်ရွက်မှုပြီးစီးကြောင်း သိရှိရပါသည်။
DOCA(မန္တလေး)