ရန်ကုန်တိုင်းဒေသကြီး၊ လှိုင်သာယာ(အရှေ့ပိုင်း)မြို့နယ် အထွေထွေအုပ်ချုပ်ရေးဉီးစီး ဌာန၊ အစည်းအဝေးခန်းမ၌ (၁၆.၆.၂၀၂၅)ရက်နေ့ နေ့လယ်(၁၄:၀၀)နာရီအချိန်တွင် ဌာနဆိုင်ရာများနှင့် တွေ့ဆုံ၍ လုပ်ငန်းညှိနှိုင်း အစည်းအဝေးကျင်းပခဲ့ပါသည်။
ထိုသို့ကျင်းပရာတွင် အထွေထွေအုပ်ချုပ်ရေးဉီးစီးဌာနမှ မြို့နယ်စီမံအုပ်ချုပ်ရေးအဖွဲ့ ဥက္ကဌ ဉီးအောင်ဘော်မှ ရွေးကောက်ပွဲကျင်းပရန် မဲရုံမှူးစာရင်းများ ကြိုတင်ပြုလုပ်ရန်၊ ရွေးကောက်ပွဲကိုယ်စားလှယ်မှ ရွေးကောက်ပွဲကျင်းပနိုင်ရေးအတွက် ဆင့်ပွားသင်တန်းများအား ဌာနဆိုင်ရာ ဝန်ထမ်းများ တက်ရောက်နိုင်ရေး၊ ရပ်ကွက်များ၌ ထားရှိမည့်မဲရုံများတွင် တာဝန်ချထားရေးကိစ္စရပ်များနှင့် ရုံးများတွင် အမှိုက်ပုံးများအား ဝါ၊ စိမ်း၊ နီ၊ ပြာဖြင့် အတွဲလိုက်ဝယ်ယူသုံးစွဲရေး ရှင်းလင်းဆွေးနွေးခဲ့ကြောင်း သိရှိရပါသည်။
DOCA (ရန်ကုန်)