၂၀၂၅ ခုနှစ် ပထမငါးလတွင် ဗီယက်နမ်နိုင်ငံ၏ ဆန်တင်ပို့မှုပမာဏသည် တိုးလာသော်လည်း တန်ဖိုးကျဆင်းခဲ့ကြောင်း ဗီယက်နမ်စိုက်ပျိုးရေးနှင့် သဘာဝပတ်ဝန်းကျင် ဝန်ကြီးဌာန၏ ထုတ်ပြန်ချက်ကို ကိုးကား၍ ဗီယက်နမ် သတင်းအေဂျင်စီက ဇွန်လ ၁၆ ရက်နေ့ တွင် ဖော်ပြခဲ့ သည်။ ကိုးကားဖော်ပြသည့်ကာလအတွင်း ဆန်တန်ချိန် ၄.၅ သန်းခန့် တင်ပို့ခဲ့ပြီး တစ်နှစ်ထက် တစ်နှစ် ၁၂.၂ ရာခိုင်နှုန်း တိုးကာ ဝင်ငွေ အမေရိကန်ဒေါ်လာ ၂.၃၄ ဘီလီယံခန့် ရရှိခဲ့သည်။
သို့ရာတွင် ပျမ်းမျှပို့ကုန်စျေးနှုန်းများ သိသာထင်ရှားစွာ ကျဆင်းသွားခြင်းကြောင့် ပို့ကုန် တန်ဖိုးသည် ၈.၉ ရာခိုင်နှုန်း ကျဆင်းခဲ့ပြီး ယခင်နှစ်အလားတူကာလကထက် ၁၈.၇ ရာခိုင်နှုန်း ကျဆင်းသွားကာ တစ်ကီလိုလျှင် အမေရိကန်ဒေါ်လာ ၀.၅၁၆ ဒေါ်လာခန့် ကျဆင်းခဲ့သည်။ ဖိလစ်ပိုင်သည် ဇန်နဝါရီမှ မေလအထိ ဗီယက်နမ်၏ ဆန်အများဆုံး တင်သွင်းသောနိုင်ငံအဖြစ် ဆက်လက်ရပ်တည်ခဲ့ပြီး စုစုပေါင်းဆန်တင်ပို့မှု၏ ၄၁.၄ ရာခိုင်နှုန်းရှိသည်။
DOCA(ရန်ကုန်)