ဇွန်လအတွင်းဖြစ်ပေါ်နေသော အခြေခံစားကုန်ပစ္စည်းများ၏ ဈေးနှုန်းအခြေအနေအား ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်နှင့် ရပ်ကွက်များရှိ အခြေခံစားကုန်ပစ္စည်းအရောင်းဆိုင်များသို့ ဇွန်လ(၁၈)ရက်နေ့၊ နေ့လယ်(၁၀:၃၀)နာရီအချိန်တွင် ကွင်းဆင်းစစ်ဆေးခဲ့ကြောင်း သိရှိရသည်။
ထိုသို့ ဈေးကွက်ကွင်းဆင်းစစ်ဆေးခဲ့ရာတွင် ကော့မှူးမြို့နယ် စည်ပင်သာယာရေးအဖွဲ့မှ မြို့မဈေးတာဝန်ခံ ဦးအေးသွင်နှင့် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့သည် အမှတ်(၂၂၆) ဗိုလ်ချုပ်လမ်း၊ မြို့မရပ်ကွက်ရှိ ဦးသိန်းထွဋ်(ခ) ဦးကိုလေး ကုန်စုံဆိုင်၊ အမှတ်(၂၂)စည်ပင်လမ်း၊ ပြည်တော်သာရပ်ကွက်ရှိ ဦးထွန်းလွင်ကုန်စုံဆိုင်၊ စည်ပင်သာယာ မြို့မဈေးအတွင်း/ အပြင်ရှိ မိဘရိပ်၊ ကိုချမ်းသာကြီး၊ ဒေါ်လုံးလုံးဆန် အရောင်းဆိုင်၊ ဒေါ်ချောစုလှိုင်၊ ဦးဌေးလှိုင်၊ ဦးသန့်စင်ဝင်း ကုန်ခြောက်ဆိုင်၊ ဒေါ်နိုင်နိုင်မော်၊ ဒေါ်ပေါက်ကြက်သားဆိုင်၊ ဦးကုလားအမဲသားဆိုင်၊ ဦးဇော်ကြီး ဆိတ်သားဆိုင်၊ ဦးခင်မောင်ဝင်း ဝက်သားဆိုင်၊ ဒေါ်ချိုချို ဝင်း၊ ဒေါ်သင်းသင်း ရေချို၊ ရေငံ ငါး၊ ပုဇွန်အရောင်းဆိုင်၊ ဒေါ်မျိုး ကြက်ဥ၊ ဘဲဥ လက်လီလက် ကားဆိုင်၊ ဒေါ်သန်းသန်းစိုး ငါးပိ၊ ငါးခြောက်ဆိုင်၊ ဦးဖိုးထောင် ကုန်စိမ်းအရောင်းဆိုင်တို့တွင် မေလအတွင်း ဈေးနှုန်းနှင့် ဇွန်လအတွင်း ဖြစ်ပေါ်နေသည့် အခြေခံစားကုန်ပစ္စည်း ဈေးနှုန်းအခြေအနေတို့မှာ သိသိသာသာ ကွာခြားချက်မရှိဘဲ တည်ငြိမ်လျက်ရှိကြောင်း သိရှိရပါသည်။
DOCA(ရန်ကုန်)