ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် ကမာပါကျေးရွာအုပ်စု မြေနီကုန်းကျေးရွာ၌ ၂၀၂၅ ခုနှစ် မိုးရာသီသစ်ပင်စိုက်ပျိုးရေးပွဲတော်ကို ဇွန်လ (၁၉)ရက်နေ့၊ နံနက် (၀၈:၃၀) နာရီအချိန်တွင် ကျင်းပခဲ့ကြောင်း သိရှိရပါသည်။
သစ်ပင်စိုက်ပျိုးရေးပွဲတော်တွင် ပထမဦးစွာ တွံတေးခရိုင် စီမံအုပ်ချုပ်ရေးအဖွဲ့ဥက္ကဌ ဦးညွှန့်နွယ်မှ မိုးရာသီ သစ်ပင်စိုက်ပျိုးရခြင်း၏ အကျိုးကျေးဇူးများအား အဖွင့်အမှာစကားပြော ကြားပြီး သစ်ပင်စိုက်ပျိုးရေးအတွက် ပျိုးပင်များကို ခရိုင်စီမံအုပ်ချုပ်ရေးအဖွဲ့ ဥက္ကဌ ဦးညွှန့်နွယ် က မြို့နယ်သစ်တောဦးစီးဌာန မြို့နယ်ဦးစီးမှူး ဦးလူမင်းထံ ပေးအပ်ခဲ့ပြီး ကွမ်းခြံကုန်းမြို့နယ် စီမံအုပ်ချုပ်ရေးအဖွဲ့ ခေတ္တဥက္ကဌအဖွဲ့ဝင် (၁) ဗိုလ်မှူးပြည့်စုံစိုး၊ အဖွဲ့ဝင်(၂) ဦးရဲတင့်၊ မြို့နယ် အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးသက်နိုင်ဦးနှင့် တွံတေးခရိုင် အမျိုးသမီးရေးရာ ဥက္ကဌ ဒေါ်ဇာဇာယမင်းဦးတို့က ကျေးရွာအုပ်ချုပ်ရေးမှူးနှင့် ရွာသူရွာသားများ ထံသစ်ပင်များပေးအပ်ခဲ့ကြသည်။
အဆိုပါ မိုးရာသီ သစ်ပင်စိုက်ပျိုးရေးပွဲတော်သို့ တွံတေးခရိုင်စီမံ အုပ်ချုပ်ရေးအဖွဲ့ဥက္ကဌ ဦးညွှန့်နွယ်၊ ကွမ်းခြံကုန်းမြို့နယ်စီမံအုပ်ချုပ်ရေးအဖွဲ့ ခေတ္တဥက္ကဌ အဖွဲ့ဝင်(၁) ဗိုလ်မှူး ပြည့်စုံစိုး၊ အဖွဲ့ဝင်(၂)ဦးရဲတင့်၊ မြို့နယ်အထွေထွေအုပ်ချုပ်ရေးဦးစီးဌာန ဒုတိယမြို့နယ်အုပ်ချုပ်ရေးမှူး ဦးသက်နိုင်စိုးနှင့် ဝန်ထမ်းများ၊ တွံတေးခရိုင် အမျိုးသမီးရေးရာဥက္ကဌ ဒေါ်ဇာဇာယမင်းဦး၊ မြို့နယ်သစ်တောဦးစီးဌာနမှ ဦးစီးမှူး ဦးလူမင်းနှင့် ဝန်ထမ်းများ၊ မြို့နယ်အမျိုးသမီးရေးရာအဖွဲ့ ဝင်များ၊ မြို့နယ်မိခင်နှင့် ကလေးစောင့်ရှောက်ရေးအဖွဲ့ဝင်များ၊ မြို့နယ်အဆင့် ဌာနဆိုင်ရာ အကြီးအကဲများ၊ ကျေးရွာသူကျေးရွာသား (၂၀၀)ဦးတို့က မန်ဂျန်ရှား (၅၀၀)ပင်နှင့် ကျေးရွာတစ်ရွာ နှစ်ဧကစိုက်ခင်း (၂၄၂၀)ပင် စုပေါင်း စိုက်ပျိုးခဲ့ကြရာတွင် မိုးရာသီသစ်ပင် စိုက်ပျိုးပွဲတော်သို့ မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်နွယ်နွယ်အေးမှလည်းပါဝင်၍ သစ်ပင်စိုက်ပျိုးခဲ့ကြောင်း သိရှိရပါသည်။
DOCA(ရန်ကုန်)